Во изјава за медиумите советничката група на ВМРО-ДПМНЕ од Општина центар денеска преку Даниела Рангелова истакнаа дека „успеале да го спречат градоначалникот Жерновски и СДСМ да ги донесе неразумните одлуки за поништувањето на ДУП-от со кој се пропишуваше црквата СВ. Елена и Константин да стане дивоградба и да може да се руши.“
Оттаму велат дека победила уставноста и законитоста и не се дозволило проивзаконски да се донесат одлуки кои не се базирани на правото и правниот поредок.
Претходно претседателот на Советот, Мирослав Шиповиќ изјави дека, во интерес на граѓаните, советниците се договориле денес да се расправа само за седмата точка, која се однесува на ребаланс на буџетот.
Тој соопшти дека материјалот за шестата седница се повлекува и се смета дека седницата не е закажана.