Министерот за внатрешни работи, Оливер Спасовски денеска во изјава за медиумите, во врска со објавеното видео со „Бентли“ автомобилот кој влетува на скопскиот плоштад меѓу луѓе, рече дека според него казната од 45 евра не е доволна.
„Имаме такви неодговорни граѓани кои се однесуваат најблаго речено бахато во едни такви услови да се движат по плоштад и тротоари да паркираат кај ќе им текне“, рече Спасовски.
Градоначалникот на Град Скопје Петре Шилегов пак, одговарајќи на новинарско прашање истакна дека во тек е постапката за поднесување кривична пријава.
-За мене е добро што брзо интервениравме. Со изречената голаба не значи дека тука застануваме.Тоа што се случи е скандалозно. Ќе биде поднесена кривична пријава бидејќи има елементи на загрозување на безбедноста на сообраќајот. Ќе го држиме обвинителството под око како ќе постапи по овој случај, изјави Шилегов.