Министерот за внатрешни работи Оливер Спасовски на својор фејсбук профил објави дека остварил средба со државниот секретар при МВР на Република Словенија, Франц Канглер. На средбата се заблагодарил за поддршката на словенечките полициски службеници во зајакнување на надзорот на јужна граница преку заеднички операции, како и за донациите, пред сѐ во опрема за посебни активности на нашите полициски припадници.
Двајцата соговорници разговарале и во насока на поддршката за нашата земја во борбата против илегалната миграција, но и за нашиот пат кон ЕУ, напиша министерот Спасовски.
– На средба со државниот секретар при МВР на Република Словенија, Канглер, се заблагодарив за поддршката на словенечките полициски службеници за зајакнат надзор на нашата јужна граница преку заедничките операции, како и за донациите, пред сѐ во опрема за посебни активности на нашата полиција, објави Спасовски.
Тој порача дека како МВР остануваат посветени на воспоставената агенда за меѓусебна соработка со Словенија, со цел натамошно унапредување на сите полиња од заемен интерес.