Актуелниот премиер Дејвид Камерон зборувајќи на седницата ја опиша Тачер како „извонреден лидер и извонредна жена“. Според премиерот Камерон, Челичната леди како што ја нарекуваа Тачер која 11 години беше во Даунинг стрит 10, ги има означено но и разрешено големите предизвици од нејзиното време.
– Маргарет Тачер ја направи Велика Британија повторно да биде голема, истакна Камерон.
Лидерот на опозицијата, лабуристот Ед Милибанд ја нарече Тачер „уникатна политичка фигура“ иако рече дека тој не се согласува и не ги одобрува многу од она што таа го има направено. Милибанд и одаде признание за нејзината одбрана на Фокландските Острови, по аргентинската инвазија пред 31 година, како и за дел од извршената приватизација, но ја осуди за пресметката со рударите во време на масовниот штрајк, како и за нејзиниот однос кон апартхејдот и за критиките и осудите на Нелсон Мандела.
Некои лабуристички пратеници демонстрантивно одбија да дојдат денеска на седницата посеветена на Тачер, а други дека таа е непотребна затоа што значи „само расфрлање со пари“.