Претседателот на спелеолошкиот клуб „Кораби“ на 18 август пријавил в полиција дека додека истражувале пештера на местото викано Чавкарник во селото Корито забележале остатоци од неколку черепи и една неексплодирана граната, информираат од МВР.
За настанот бил запознаен Јавен обвинител кој наредил да се изврши увид.
„Увидот бил извршен на 19 август од страна на Јавен обвинител во содејство со полициски службеници, претставници од Дирекцијата за заштита и спасување и од Секторот за антитероризам при УБК Гостивар. Притоа, од дното на пештерата, на длабочина од околу 30 метри биле пронајдени и извадени дел од активирана граната од рачен фрлач, делови од човечки труп, еден долен дел од обувка, еден дел од реденик за куршуми, две чаури од патрони од ловечка пушка, повеќе парчиња облека и една запалка. Пронајдените предмети се фотографирани и доставени за вештачење“, информираат од МВР