Бирото за координација на службите за безбедност во Србија, на денешната седница донесе одлука да на ја забрани Парадата на гордоста закажана за во недела, соопшти министерот за внатрешни работи во земјата Небојша Стефановиќ.
Тој ги повика граѓаните да го зачуваат уставниот поредок, мирот и стабилноста, да не се нанесува штета на државата и да не се напаѓаат органите за безбедност.
Лидерот на ЛДП пак, Чедомир Јовановиќ, кој даде поддршка за одржување на настанот, доби заканувачки пораки.
– Се гледаме во недела, дојдете без маски, порача Јовановиќ преку својот Твитер профил.
Ова е втор пат по ред упатени закани до лидерот на ЛДП на зградата во која живее со своето семејство. Тој порача дека ништо нема да го спречи во борбата „за подобра Србија“ каде што ќе се почитуваат човековите права.
– Секако дека се гледаме во недела. Дојдете без маски. Нема потреба да се срамете ако дојдете на Парадата, им порача Јовановиќ на хулиганите.
