Првата меѓувладина конференција на која официјално ќе започнат преговорите помеѓу Србија и ЕУ, можно е да се одржи уште годинава, велат од Европската комисија.
Србија треба што е можно побрзо да го назначи главниот преговарач со ЕУ, бидејќи со исклучок на август, до почетокот на скринингот остануваат уште неколку недели, сметаат од Комисијата.
Од Европската комисија ја замолиле земјата претседевач – Литванија, да остави простор за евентуално одржување на конференцијата со која формално би се започнале преговорите, пренесува „Фонет“.
Предлогот за преговарачката рамка со Србија ќе биде претставен пред земјите-членки во вторник на 23 јули во Брисел.
Се очекува министрите да го усвојат предлогот на Советот за општи рабти на Унијата, а потоа да биде потврден и од Советот на ЕУ најкасно до јануари.
Што се однесува на прашањето со Косово, Комисијата за Србија вели дека нема да се занимава со таа тема, односно ќе го следи само процесот на спроведувањето нормализација меѓу Белград и Приштина во посредство на високите претставници на Унијата.