Пратениците на Собранието на Србија избраа нова Влада на чело со премиерот Александар Вучиќ. За новата Влада гласале 198 пратеници, 23 биле против, а воздржани 6 пратеници, еден не гласаал воопшто. Новата Влада има 19 членови, 18 министри од кои двајца без ресор и премиерот.
-Модернизацијата ќе биде клучен збор во наредната деценија без разлика дали се работи за односот со ЕУ, здравството или економијата. Не е доволно само економското опоравување, ако нема културно и општествено, рече Александар Вучиќ во неговото експозе кое траеше три часа.
Вучиќ веднаш најави дека ќе продолжи преговарачкиот процес за влез во ЕУ, отврање на ново поглавје во јуни, при што нагласи дека целта е до 2018 година да се затворат сите поглавја.