По задоцнувањето од Македонија да ја укине „забраната“ за увоз на српската пченица, Србија подготви реципрочни мерки. Министерство за земјоделство на Србија вели: Ние сме принудени да го ограничиме увозот на македонското вино, грозјето и доматите.
Иако минатиот месец беше договорено Македонија да ја укине одредбата според која се ограничува увозот на пченица од Србија, Македонија повторно пркоси на договорот, јавува српски „Вечерње новости“.
Во нивната анализа се вели, додека спрските земјоделци поради одредбата трпат голема економска штета, македонските извозници заработуваат во Србија, особено со продажбата на овошјето и лубениците.
Според одредбите на Владата на Македонија во почетокот на јули, се донесе одлука според која за килограм увезена пченица од другите земји, па така и од Србија, македонските увозници мораат да купат три килограми од домашниот пазар, додека за килограм брашно – четири килограми пченица од домашното производство.
Според мислењето на Милан Простран, советник за земјоделство во Стопанската комора на Србија, очигледно е дека земјите-потписнички на ЦЕФТА сеуште не се подготвени да во потполност го отворат својот пазар.
„Србија и Македонија прилично динамично извозуваат, за само пет месеци годинава извезовме околу 270 000 тони а тоа ги наполни нивните силоси, па веројатно се уплашени дека нема да има доволно простор за домашните производители“, вели Простран. „Освен тоа Македонија не е единствената земја која донесе вакви одредби. Минатата година таков проблем имавме и со Босна“.
Српската и македонската страна постигнаа договор на 20 јули дека делот од одредбата кој се однесува на ограничување на увозот на пченицата ќе се укине до 15 август, а за брашното на 1 септември. Меѓутоа засега сеуште не се случи тоа.
Одоговор на тоа зошто Србија сеуште не реагира на македонското ембарго дадоа и од Министерството за земјоделство.
„Сакавме да избегнеме пазарна војна, која никогаш не е добро решение зи ниедна од страните , но и ние мораме да ги заштитиме домашните произведувачи“, изјави Данило Голубовиќ, државен секретар во истоименото министерство. „Досега бевме толерантни, меѓутоа македонската страна очигледно го крши договорот…бидејќи до сега Македонија не ја укина одредбата, приморани сме да реагирам и ние да го ограничиме увозот на вино, грозје и домати.“