Иако 15 август, неформалниот рок кој српската страна и го дадена на владата на Република Македонија да ја повлече уредбата за ограничување на увозот на пченица и брашно, се приближува, се уште нема никакви сигнали дека официјално Скопје ќе ја повлече уредбата.
– Темелно ја пратиме ситуацијата во Македонија по ова прашање. Меѓутоа се уште немаме релевантна информација дали Скопје презело било каков чекор оваа уредба да се укине. Ние сме во контакт со Министерството за земјоделие кое е надлежно од наша страна да се смислат контрамерки кои евентуално би се презеле кон Македонија доколку уредбата не се укине во догледно време.
– Постапката е таква што Министерството за земјоделство ќе пропише контрамерки доколку Скопје не го испочитува рокот, а потоа тие ќе бидат доставени во нашето министерство.
Наша задача тоа и правно да го спроведеме на дело. Во тој случај ние ќе ја известиме ЦЕФТА дека Македонија не го спровела тоа што и е од сите земји членки на овој договор наложено“, изјави Бојана Тодоровиќ, заменик министер за трговија во српската Влада.
На прашањето кога контрамерките кон Македонија може да стапат во сила, Тодоровиќ со одговор декеа такво нешто најрано може да се очекува во почетокот на наредната недела.
Тодоровиќ потсетува и дека сите земји на ЦЕФТА зазеле став дека Македонија мора да ја укине уредбата за ограничување на увозот на пченица и брашно бидејќи во потполност се коси со договорот.
– На Скопје не му предочивме било каков формален термин во кој уредбата треба да биде повлечена, но со оглед на тоа дека одлуката е донесена пред еден месец, колоквијално очекуваме дека Македонија оваа уредба треба да ја повлече до среда – 15 август, истакнува Тодоровиќ за српски „Данас“.
Инаку, неодамна Здружението на мелничари и пекари „Житовојводина“ предупреди дека од ограничувањето на извозот во Македонија, извозниците трпат голема штета и апелираа до министерот за трговија Расим Лајиќ да преземе мерки против Скопје за овој проблем час поскоро да се реши.
Мерките со кои македонската влада го ограничува увозот на брашно и пченица од Србија стапи на сила 1 јули, но по состанокот со српскиот министер за трговија на 10 јули, прифати да се стартува со процедура за измена на оваа уредба. Мерката која ја донесе Владата на Македонија предвидува за килограм увезен, македонските увозници се обврзани да купат три килограми домашна пченица.