Вечерва се одржува неформална средба помеѓу македонскиот премиер Никола Грувески и неговиот бугарски колега Бојко Борисов, на која се очекува усогласување на договорот за добрососедство и пријателство. Сепак, средбата е зад затворени врати, после која беше најавено дека нема да има изјави за медиумите.
Оваа средба беше најавена од страна на Борисов, во емисијата на бугарската телевизија Нова „Бугарија зборува“, пренесва Дојче Веле на македонски. Борисов изјавил дека нема ништо тајно во нивната средба и додал дека во телефонски разговор со македонскиот премиер Груевски најавил скорешна средба:
„Не е убаво вака. Со другите премиери во Европа имам по десетина средби, тие доаѓаат во Бугарија, ние одиме таму, комуникацијата е прекрасна. Основниот принцип во Европа е дека ништо не е договорено додека се’ не е договорено. Му реков на колегата – ајде да позборуваме малку. Не ни оди на двете држави да бидеме во такви односи, ние треба да бидеме во најнајдобри односи и тоа треба да му го покажеме на народот“.
На ова, според зборовите на Борисов, Груевски му одговорил „Да, но како, кога, медиумите што ќе кажат…?“ „Борисов бил подготвен да дојде: Кажи само кога, покани ме, доаѓам кај тебе, ќе седнеме, ќе поразговараме, треба да им дадеме знаци на луѓето“.
На средбата е најавено и присуството на шефот на бугарската дипломатија Николај Младенов.