Срѓан Керим го тужи дневниот весник “Фокус” поради текст во кој се пренесуваат извадоци од српскиот портал е – новине, а кој се однесува на продажбата на МПМ. Денес во граѓанскиот суд беше одржано и првото подготовително рочиште кое го следеа претставници на новинарскиот синдикат, како и претставници на американската амбасада.
Тужителот Срѓан Керим не се појави на ова рочиште, а следното е закажано за 7 Мај. Тогаш ќе биде доставен и судскиот превод од изјавата на уредникот на е новине, Петар Луковиќ, медиумот кој прв ги објави текстовите за купопродажбата на МПМ, а кои “Фокус” потоа ги пренесе, за што всушност е и тужбата од Керим.
Ова е едно од првите рочишта откако стапи на сила Законот за граѓанска одговорност за клевета и навреда. Највисоката сума за нематеријална штета што може да биде досудена е 27.000 евра. Од нив 10.000 евра се за уредникот, 15.000 евра за сопственикот на медиумот и 2.000 евра за новинарот кој го напишал текстот.