Еден од челниците на таканаречената Српската листа, Бранимир Стојановиќ потврдил дека 9 пратеници на овој политички субјект кои ќе бидат во новиот состав на Собраниeто на Косово ќе соработуваат со мнозинската албанска коалиција.
Според него, претставниците на Српска листа, ќе преговараат за учество во владината коалиција со кој било мандатар на новата Влада на Косово.
Бранимир Стојановиќ изјавил за косовските медиуми дека тие се во исчекување на одлуката на Уставниот суд на Косово за да се разјасни ситуацијата за тоа кој ќе ја состави новата Влада.
Инаку на последните предвремени избори во Косово, најмногу пратенички места доби предизборната коалиција предводена од партијата на досегашниот премиер, Хашим Тачи, Демократската партија на Косово. Но, по изборите останатите парламентарни партии, се здружија и создадоа постизборна коалиција, со цел да состават Влада предводена од Рамуш Хајредини.
Поради уставните нејаснотии за тоа дали легитимен мандатар е предводникот на партијата, односно предизборната коалицијата, што добила најмногу пратенички места, или постизборната коалиција што ќе обезбеди мнозински гласови во папрламентот, претседателката на Косово, Атифете Јахјага достави барање до Уставнот суд на Косово за толкување на уставните одредби кои го регулирааат оваа прашање.