Од подрачјата загрозени од поплавите, до сега се пријавени за исчезнати 789 луѓе, од кои пронајдени се 215, соопшти Оперативниот центар на српското МВР.
„Напомнуваме дека овие бројки не се прецизни поради тоа што повеќе граѓани пријавуваа исчезнување на една личност, со тоа автоматски се зголемува бројот на исчезнати“, посочуваат од министерството.
Во соопштението од полицијата е наведено дека „проблем и тоа што лицата кои во меѓувреме се пронајдени за тоа не ја известиле полицијата, за да се избришат од списокот исчезнати“.
„За да нема вакви забуни, апелираме до сите граѓани кои пријавиле исчезнато лице, доколку во меѓувреме се пронајдени, за тоа да го известат Оперативниот центар на МВР“, се вели во апелот.
Во Србија вчера беше прогласена тридневна жалост за загинатите во поплавите, според досегашните информации загинале 22. луѓе.
Најтешко погодениот регионот на Обреновац бележи 14 жртви, но се стравува дека уште ќе бидат пронајдени по повлекувањето на водата. Таму над 2.000 луѓе чекаат да бидат евакуирани, а поради безбедносни и здравствени причини враќањето во градот нема да биде дозволено, соопштува Секторот за вонредни состојби. Досега се евакуирани околу 32.000 луѓе.