Според податоците на Државниот завод за статистика, објавени денеска индексот на просечната месечна исплатена нето-плата по вработен, во мај 2013 година, во однос на мај 2012 година, изнесува 102.0.
Ваквото зголемување се должи, пред сé, на зголемувањето на просечната месечна исплатена нето-плата по вработен во секторите: Рударство и вадење на камен (8.1%), Транспорт и складирање (6.9%) и Снабдување со електрична енергија, гас, пареа и климатизација (6.4%).
Зголемување на просечната месечна исплатена нето-плата по вработен, во однос на претходниот месец, е забележано во секторите: Рударство и вадење на камен (7.4%), Снабдување со електрична енергија, гас, пареа и климатизација (7.1%) и Објекти за сместување и сервисни дејности со храна (6.9%).
Просечната месечна исплатена нето-плата по вработен, во мај 2013, изнесува 21 288 денари.
Во мај 2013 година, 1.5% од вработените во Република Македонија не примиле плата.