Српскиот кошаркаш Стефан Синовец се врати во МЗТ Скопје, објави денеска клубот. Како што се наведува, со Синовец кој веќе два пати настапуваше за МЗТ и добро ја познава средината во која доаѓа, потпишан е договор до крајот на сезоната.
Управата на македонскиот шампион реши да го ангажира Синовец после три порази на стартот на регионалната Јадранска лига (АБА) и низа на повреди на играчите на стартната петорка. Вкупната кош разлика после тие порази е минус 74.
Тренерот на МЗТ Емил Рајковиќ после три убедливи порази најави промени во составот на тимот, додека навивачите на скопскиот клуб на друштвените мрежи почнаа кампања против него и направија хаштаг „анти Емил Рајковиќ“.
Настапот на Стефан Синовец се очекува во недела на домашен терен во дуелот со загребска Цибона.
Стефан Синовец во МЗТ прв пат влезе во 2013 година, кога ја одигра цела сезона. После тоа премина во унгарски Солонок каде не се задржа долго, а потоа се врати во Скопје.