Доминик Строс Кан наскоро би можел да добие понуда од српската влада да биде советник па дури и министер во реконструирана влада на оваа земја, јавува денес српскиот весник Данас.
Весникот, од свои добро информирани извори, вели дека Александар Вучиќ на неодамнешната седница на својата Српската напредна партија ја споменал можноста странец да добие функција.
Изворот наведува дека најверојатно се работи Французинот Строс Кан, поранешен директор на Меѓународниот монетарен фонд (ММФ) на која остана од 2007 до 2011 година.
Странецот на оваа функција би бил од огромна корист на Србија во областа на економијата.
Строс Кан во 2011 година поднесе оставка на функцијата во ММФ откако беше обвинет од собарка во еден њујоршки хотел дека сакал да ја силува.
Оваа епизода заврши само со финансиски последици заСтрос Кан но пред извесно време беше обвинет и за подведување и учество во круг на проституција во францускиот град Лил.
Тој призна дека учествувал во сексуалните забави но дека не знаел дека жените од тој круг биле платени проституки.
Сексуалната афера во Њујорк изби непосредно пред неговата намера да се кандидира за социјалистички претседател на Франција и поради што тој се откажа од кандидатурата.
Сепак, неговото стручно познавање на финансиската област во ниту еден момент не беше доведено во прашање.
Овој француски политичар беше министер за економија и финансии во владата на Лионел Жоспин кон крајот на 90те години.