Студентите кои протестираат во Хонг Конг одбија да ги отстранат барикадите на улиците и се заканија дека ќе заземат нови делови во градот се додека Владата не ги исполни целосно нивните барања за одржување демократски избори во 2017 година.
-Без вистинско објаснување и конкретни идеи за решавање на моментниот спор, луѓето во Хонг Конг нема да се повлечат. И нема причина никој од нас да бара да се повлечеме. Поради тоа движењето „Окупирај го центарот“ мора да продолжи, истакна Алекс Чоу претседателот на Студентската федерација на Хонг Конг.
Протестот почна на 27 септември поради несогласување со планот на кинеската Влада да ги контролира изборите во Хонг Конг во 2017 година.
Демонстрациите во Хонг Конг се огромен политички предизвик за властите во Пекинг, откако Кина ја презеде контролата над оваа поранешна британска колонија во 1997 година.