Соочени со разни санкции, казни и како што велат голем психолошки притисок Студенскиот пленум на Медицински факултет одлучи да го крене својот глас против лошите законски решенија и реформи кои ги спроведува Министерството за здравство.
Тие велат дека откако Министерството ги осмисли и спроведе мерките за контрола на лекарите, направи лош обид да ги стави под контрола и идните генерации студенти по медицина, како и специјализантите.
„Министерството добива контрола и ингеренции на специјализантите, непотребно се трошат големи финансиски средства наместо тие да се пренасочат на други места, се е направено неплански, без цел и насока. Се носат санкции без да се размисли за последиците, а студентите и специјализантите се третираат како експриментални заморчиња“, вели за НОВА Матеа Јовановска студент на Медициски факултет и член на Студентски пленум.
Студентите кои с е сега во прва година на медицина треба да полагаат државен испит, за кој како што велат, контрола има само министерот кој одлучува во име на професорите.
На студентите им се крати една сесија, а покрај обемниот материјал, тие до август идната година треба да го подготват и првиот дел од државниот испит кој се полага пред Комисија од Министерството за здравство. Полуспецијалстичкиот испит е пред камери во живо, а се се емитува на веб сајтот на Министерството.
„ Бараме Лекарската комора да си ја препознае својата работа. Апелираме до Министерството за здравство и до јавноста да го слушнат нашиот глас бидејќи ние имаме поддршка и од професорите и од студентите“,вели Емир Шкријељ, студент на Медицински факултет и член на Студентскиот пленум.
Ова, се само дел проблемите со кои се соочуваат студентите и специјализантите кои што организираа трибина на оваа тема, со цел да се чуе нивниот глас. Тие велат дека Законот за континуирана медицинска едукација и за специјализација, како и измените во Законот за здравствена заштита се направени набрзина, нетранспарентно, без никој да ги праша студентите и без широка јавна расправа.
Тие велат дека ова е прва иницијатива која не е поттикната од ниту една институција на власт, туку е автохтона од самите студенти. Со ова , велат дека сакаат да покажат колку се лоши законските измени за кои предупредуваат дека ги уништуваат идните генарации студенти на медицина.