Припадници на српската полиција синоќа се судрија со вооружени Албанци кои краделе дрвја во атарот на селото Боровац, кое се наоѓа на административната линија со Косово, при што најмалку двајца Албанција се ранети, јавува Б92.
Двајцата ранети Албанци се префрлени во болница во Приштина, но постојат сомнежи дека има уште ранети Албанци кои се кријат во шумите, според изјавата на командантот Братислав Дикиќ за агенцијата Бета:
-Група Албанци со автоматско оружје ја нападна патролата на територија на Србија, во атарот на селото Боровац. Ако ги пронајдеме вечерва ќе им укажеме медицинска помош“, додаде командантот.
Косовската полиција го потврдила инцидентот не прецизирајќи детали, додека приштинските медиуми пренесува дека четири лица се префрлени во болница.
Според изјавите на населението, вооружена група Албанци ја поминала административната граница и во атарот на селото Боровац се обидела илегално да сече дрвја.
Припадниците на полицијата ја блокираа административната граница по инцидентот.