Судија на претходна постапка постапувајќи по предлогот за определување на мерка притвор поднесен од СЈО го одби како неоснован, сопштува Кривичниот суд.
СЈО бараше притвор за еден осомничен во случајот Трезор.
Во најновиот предмет на СЈО три лица од УБК и едно од МВР се товарат дека преку договори и анекси за набавка на опрема за шпионирање и нејзино одржување го оштетиле државниот буџет за 860.000 евра.
Осомничени се поранешниот директор на УБК Сашо Мијалков, поранешниот началникот на петтата управа Горан Грујовски, шефот на кабинетот на Мијалков, Тони Јакимовски и бившиот помошник министер во МВР и член на Управен одбор на Телеком Небојша Стајковиќ. За еден од нив се бара притвор, а за другите тројца мерки на претпазливост.
Тие денеска во Судот се појавија на распит влегувајќи преку споредните влезови, каде беше забранет пристапот а новинарите поради силното полициско обезбедување за случајот Диво Насеље.
Околу 16 часот денеска на излегување од судот адвокатот на осомничените Никола Додевски ја потврди информацијата дека неговит еклиенти се појавиле на распит.
Од СЈО пак, бараат изземање на судијата на претходна постапка од одлучувањето за мерките за претпазливост од засега непознати причини.