Во почетокот на декември годинава во штипскиот Основен суд ќе се одвива рочиштето за синот на Субрата Рој, Сушанто, кого Министерството за земјоделство, шумарство и водостопанство го тужи за долг од 100.000 евра, односно за неплатен закуп за земјиштето Џумајлија.
Рој и неговата фирма „Сахара пјур“ не платиле за закуп на 5.300 хектари земјиште, поранешна сопственост на агрокомбинатот Џумајлија од Лозово.
Министрите Зоран Ставреси и Љупчо Димовски беа тие кои се качија на тракторите на земјиштето за кое пропадна оваа ибестивија, а пропадна и бизнисот со регионалната млекара, каде директорот на „Сахара пјур“, А.П. Сина најави дека ќе се носи млекото од 20.000 крави во фармата што требаше да ја гради на некогашниот имот на Џумајлија.
Државата подоцна го раскина договорот што со фирмата на Субрата Рој, кој го склучи во 2013 година, а активирана е банкарската гаранција од три милиони евра.
Дел од некогашната плодна житница во Овче Поле е доделено на копманијата „Агрија“, додека за останатото земјиште нов концесионер се бара преку оглас.