Светските великани денес се собрани на плажите на Нормандија за да им оддадат почит на војниците кои учествуваа во ослободувањето на Европа од фашизмот пред 70 години.
Домаќин на настанот на францускиот претседател Франсоа Оланд а помеѓу гостите се американскиот претседател Барак Обама, Британецот Дејвид Камерон, Германката Ангела Меркел и други државници од околу 20 земји. Заедно со нив на свеченоста учествуваат 1800 ветерани од Втората светска.
Но, за време оваа свеченост светските медуими со големо внимание го следат доаѓањето на прославата на рускиот претседател Владимир Путин. Меѓународната заедница го изолираше Русинот откако Русија направи анексија на Крим. Вчера во Брисел се одржа средба на индустријализираните земји од групата Г7 на која Путин не беше поканет. Така што неговото денешно доаѓање во Франција е премиера од настаните на Крим.
Прашањата што си ги поставуваат медумите се дали Обама и Путин ќе разговараат, дали ќе се поздрават Путин и украинскиот претседател Петро Порошенко кој е исто присутен во Нормандија.
Украинското прашање беше отворено синоќа на вечерата што за Путин ја организираше неговиот домаќин Оланд. Според шефот на француската дипломатија Лоран Фабиус, Оланд му рекол на Путин дека во Украина се случува практично војна и запрашал како може да се помогне да се воспостави прекин на огнот, како да се помогне на економски план и како да се реши конфликтот со гасот. Путин признал, вели Фабиус, дека тој може да има извесно влијание но не целосно. Тој потсетил дека за референдумот на Крим на 11 мај тој повикал оваа консултација да не се одржува во локалните власти не го послушале.
Церемонијата во Нормандија беше отворена во 9 часот сабајлево со оддавање почит на 20.000 цивилни жртви на битката на Нормандија а потоа сите државници заминаа на американските гробишта каде се закопани 10.000 војници во Колвил-сур-Мер.
Главниот настан е закажан за попладне на плажата Сворд Бич во Оијстерхам каде што ќе биде присутна и англиската кралица.
Синоќа на нормандиската обала имаше огромен огномет за да се обележи доаѓањето на 130.000 војници на 6 јуни 1944 година. Битката од Нормандија однесе 37.000 животи од страната на сојузниците додека од германска страна загинаа 50-60.000 војници.