Снимките кои ги направи НОВА од вчерашните протести на мостот Гоце Делчев и на Битпазар, ексклузивно ги пренесе и светската агенција АПТН. Покрај АПТН, за немирите во Скопје известуваа сите светски агенции -Ројтерс, Сингхуа, АП, ДПА и многу други.
За судирот на полицијата со демонстрантите, агенциските вести, видеа и фотографии ги пренесуваат и светските медиуми Вашингтон Пост, АБЦ њус, Фокс Њус, Хафингтон пост и многу други, како и сите регионални медиуми.
Асошиејтед Прес известува дека во двата протести во Скопје се повредени 22 луѓе, од кои 13 полицајци и дека во петокот протестирале Македонците, а вчера Албанците излегле со контра-протести. Медиумот потенцира дека двата протеста станааа насилни, и “прво Македонците а потоа и Албанците се судрија со полицијата, но досега не и едни со други“.
“Позади денешниот протест кој се претвори во инциденти и судир со полицијата, која во еден момент употреби и солзавец, останаа хаварисани возила, запален автобус, демолирани автобуски станици, соборени сообраќајни знаци. Протестот на Албанците кој беше органииран преку социјалните мрежи почна мирно пред Јаја пашината џамија во Скопје, а инцидентите почнаа кога масата стигна до Владата, каде почна да фрла камења на полицајците и на зградата. Демонстрантите притоа скинаа и запалија македонско знаме“, пишува во извештајот на Б92.