Претседателот Стево Пендаровски, во рамки на официјалната посета на Хрватска, денеска го посети Музејскиот меморијален центар Дражен Петровиќ, еден од најдобрите југословенски и хрватски кошаркари на...
Јовановски е актуелен претседател на ОО на СДСМ во Прилеп, координатор на советничката група и од неодамна именуван за директор на болницата.
Неговите политички опоненти ВМРО-ДПМНЕ го обвинуваат за непотизам: “Вашата сестра ја унапредивте во раководител за сектор на план и развој во Градската болница”, но и дека негова долгогодишна колешка од сестра во Одделението за ортопедија, станала главна сестра. Обвинувањата на сметка на Јованоски од страна на владејачката партија се фокусираат и на апелите на Јованоски да не се иселуваат младите, но му забележуваат дека неговите две деца се во странство.
Јованоски ги отфрла овие обвинувања- туку е сменета на друго работно место- од План и анализа во член на Јавни набавки, тоа е истата служба, со иста плата и од своја страна вели дека противкандидатот игра нечесно и поднел кривична пријава против него дека не поднел информација до Антикорупциската комисија дека неговата сопруга има приватна фирма, иако таа уредно е пријавена, вели Јованоски.
Клучните проекти во програмата на Илија Јованоски
Јованоски ветува гасификацијата на Прилеп, со што граѓаните драстично ќе ги намалат сметките за струја, но и да се обезбеди чиста вода за пиење и чист воздух.
Освeн тоа, се ветува изедначување на руралните и градските средини во поглед на инфраструктурата, водоводот и канализацијата, но и намалување на цената на водата за 20 насто како и бесплатен градски превоз за пензионерите. Прилеп ќе добие две обиколници и од северната и од јужната страна. Но, Јованоски оди и понатаму- говори за обезбедување соодветни услови за инвестирање и на локално ниво и дека домашните инвеститори ќе бидат изедначени со странските, за младите ќе отвори бизнис инкубатори, преку кои младите ќе можат да започнат свој бизнис преку соодветна поддршка со неповратни 10 илјади евра, како и со материјално технички и просторни ресурси а :”субвенции ќе добиваат сите подеднакво, ќе бидат поддржани оние што ќе вработуваат повеќе и ќе даваат повисоки плати”.
Александар Митров е кандидатот за градоначалник на Општина Центар од партијата Левица. Тој за себе вели дека „се пробал“ во различни професии и дека поради тоа има многу искуство и во комуникацијата со луѓе.
Порано работел како продавач на чевли, стажирал во Министерството за надворешни работи, работел во невладини организации за заштита на работничките права и во финансискиот сектор. Сега работи како туристички водич, а навечер држи часови по аргентинско танго.
„Мислам дека тоа што сум имал различни професии и сум работел во различни области многу влијаело за тоа како ќе се оформи мојот карактер и каков човек ќе бидам. Сум видел многу луѓе како живеат и мислам дека поради тоа имам способност да ги разберам различните ситуации со кои се соочуваат“, вели Митров.
Прв пат во политика влегол во 2008 година, но вели дека тоа повеќе било активистички. Митров беше и еден од организаторите на протестите за Мартин Нешковски во 2011 година.
Тој вели дека најдоброто нешто што го нуди на жителите на Општина Центар е тоа што им се нуди себе. Затоа што вели дека ќе работи посветено и за доброто на центарци. Како градоначалник ќе работи на тоа општината да биде отворена за граѓаните и за нивните проблеми.
„Граѓаните мора да партиципираат во работата на општината. Ќе направиме совети од граѓани кои ќе се занимаваат со месните проблеми. Што е најважно ќе ја отвориме општината за граѓаните, општината ќе биде транспарентна. Сите детални планови што ќе се носат ќе бидат на увид на сите граѓани, тие навреме ќе бидат информирани за се што ќе се случува“, вели Митров.
Тој најавува дека ќе се стопираат сите детални урбанистички планови и ќе се направи мала ревизија на постоечките дупови и доколку се пронајдат незаконски работи, не исклучува и уривање на некои објекти.
Митров вели дека во план е да се најде начин да се активираат гаражите за паркирање под Градски ѕид затоа што тоа е најбезболно за да не се оптоварува јавниот простор. Исто така, најавува дека ќе ги стимулира граѓаните да започнуваат слободни професии, како занаетчиство и уметност кои ќе бидат ослободени од големите компании.
Исуф Бислими, кандидатот за градоначалник за Арачиново од ДУИ, 12 години работи во сферата на образованието. Тој е заменик – директор на гимназијата „Цветан Димов“ во Скопје.
Во телефонскиот разговор што го имавме со него, тој вели дека не го плаши тоа што за градоначалничката фотелја ќе треба да се бори со жена. Мотив за да се кандидира за градоначалник му било тоа што сакал да го подобри животот на неговите сограѓани во Општината Арачиново.
„Јас си имам своја програма, а тие си имаат нивна. Ќе видиме што ќе одлучат граѓаните. Дали ќе проценат дека јас или таа имаме да им понудиме повеќе. Немам некој посебен став за тоа дека се натпреварувам против жена“, вели Бислими.
Тој не смета дека некој од кандидатите од другите партии му претставува конкуренција или пак дека може да биде закана за да го добие градоначалничкото место.
Бислими вели дека жално е што во 21 век најголемите ветувања и проекти кои можат да се направат во општините каде мнозинство е албанско население се водовод и канализација.
„Приоритетни проекти кои ќе ги работам на почетокот на мојот мандат ќе биде изградба на фекални канализации, регулирање и транспорт на отпадот во депонијата Дрисла, како и чистење на сите диви депонии и изградба на детска градинка. Од проектите на кои ќе се нафатиме, а ќе треба подолго време за да ги спроведеме се: да направиме добро и стабилно водоснабдување, организирање на фонд за стипендии, изградба на ново основно училиште, Дом за култура и библиотека“, вели Бислими.
Кандидатката за градоначалнички на општина Арачиново, Маликије Халими е една од ретките жени кои на овие избори ќе ја бараат довербата на граѓаните за да ја водат општината.
Маликије која е една од 15 жени кандидатки за градоначалнички вели дека во текот на кампањата се соочувала со многу притисоци и закани, но тоа не ја спречило гордо и одлучно да ја продолжи својата кампања. Таа вели дека водела позитивна кампања и покрај тоа што нејзините противници за неа воделе црна кампања. Монтирале видеа и измислувале изјави кои таа никогаш ги немала изговорено. За своите противкандидати, Халими вели дека тоа се луѓе кои немаат што да им понудат на граѓаните, па затоа мора да измислуваат и да ја оцрнуваат.
„Јас сум родена и мажена во Арачиново. Тука ги одгледувам моите деца и не можев да се помирам дека сите живееме во олку лоши услови. Тоа и беше причината поради која одлучив да се кандидирам за градоначалник на оваа општина. Условите за живот се катастрофа. Живееме во 21 век, но како да живееме еден или два века поназад. Не можам ова да го гледам од страна, морам да им помогнам на моите сограѓани, за сите заедно да имаме подобар живот“, вели Халими.
На еден од партиските митинзи на СДСМ што се одржа во Арачиново, Хамили пред жителите рече дека патриотизам се нови работни места, канализации, училишта, градинки, патишта и дека тоа значи подобар живот.
„Општината е во бедна ситуација и со многу лоша инфраструктура. Училиштата каде што учат моите деца и децата од целата општина имаат тешки услови. Нема канализација, водата за пиење е катастрофа. Дали нашата општина го заслужува ова или заслужува се што имаат и другите општини“, запраша Халими.
Халими во својата програма ветува дека ќе изгради нова водоводна мрежа и канализација, нова градинка, поликлиника во Арачиново и здравствени домови во Орланци и Грушино.
Таа ветува изградба на три нови основни и едно средно училиште, како и изградба и реконструкција на нови улици.
Халими пред своите сограѓани ветува дека ќе работи за подобра општина и подобар живот за сите граѓани во општината, без оглед на различните погледи кои ги имаат гласачите.
Александар Наумоски по втор пат е кандидат на СДСМ за градоначалник на општина Ѓорче Петров. На претходните локални избори во 2013 година, тој беше поразен од кандидатот на ВМРО-ДПМНЕ, Сокол Митровски.
Победата на Митровски беше со тесна разлика, по прегласување во две избирачки мести. Резултатот беше оспоруван од СДСМ, а против Митровски беше поднесена и тужба до Управниот суд за изборни нерегуларности.
Водејќи се од оптимистичкиот резултат на минатите локални избори, на изборите на 15 октомври, Социјалдемократите решија повторно да ја освојуваат општината со Александар Наумоски. Негов против кандидат од ВМРО-ДПМНЕ е Владо Мисајловски, поранешниот министер за транспорт и врски.
Александар Наумоски е роден и живее во Ѓорче и ветува дека ако победи ќе го врати стариот сјај на општината, маалскиот живот и хармонијата.
„Целиот живот го поминав на овие улици, во овие населби, во моето, во нашето најубаво Ѓорче. Имав можности да заминам и да го оставам сево ова зад мене, но решив да се вратам, тука да останам, да градам семејство, кариера и пријателства. Верувајте никогаш ама баш никогаш не се покајав и нема да се покајам. Ја сакам Македонија. Го сакам Ѓорче“, вели Наумоски.
Во изборната програма кандидатот на СДСМ на неговите сограѓани им ветува: „Гасификација за чист воздух и пониски трошоци, нова градинка во Волково и амбуланта во Дексион, враќање на старото корзо, повеќе паркиралишта, намалување на сообраќајниот метеж…“
За разлика од 2013 година, Наумоски на овие избори се повикува на поддршката на централната власт и на премиерот, неговиот сопартиец Зоран Заев, од која очекува помош за реализација на дел од проектите.
„Сериозно сметаме на поддршката на централната власт, од нашиот соборец и пријател Зоран Заев. Очелуваме дека ќе го поддржи секој добар проект за подобро Ѓорче“, рече Наумоски на централниот митинг на СДСМ во Ѓорле Петров.
Александар Наумоски е дипломиран правник, магистер по човекови права. Од 2006 до 2011 работи во Министерството за правда и е соработник на владиниот агент за застапување на земјава пред Европскиот суд за човекови права во Стразбур.
Тој е долгогодишен член на СДСМ. Од 2005 до 2009 е советникот во Советот на Општина Ѓорче Петров, а од 2009 до 2013 советник во Советот на Град Скопје.
Александар Наумоски во август годинава беше именуван за директор на Истражниот затвор Шутка.
Тој е син на поранешниот претседател на Уставен суд Бранко Наумоски.
Јанчев е еден од ретките кандидати кој за својот противник џентлменски се расфрли со убави збориви. Митко Јанчев го респектира својот политички противник и вели дека ќе направи се, за да има фер кампања.
-Секоја чест и за мојот противкандидат. Кавадарци и не е така големо место. Луѓето добро се познаваат. Ме знаат мене и како личност и како бизнисмен. Го познаваат и мојот противкандидат. Тој е неколку години политичар, но она што значи решавање на проблемите во пракса мислам дека за него е сосема непознато. Тој го нема искуството со менаџирање, искуството со решавање на клучни проблеми, искуството да издржиш во ситуации од кои помислуваш дека нема назад. На Кавадарци му треба дејствување, а не само политички ветувања. Затоа и сум тука, рече Митко Јанчев, кандидат за градоначалник на Кавадарци од коалицијата предводена од ВМРО ДПМНЕ.
Тој е сопственик е и менаџер на една од најпознатите компании во Македонија, „Кожувчанка“. Без никакво политичко искуство, 36 годишниот Јанчев неочекувано влезе во битката за градоначалник на Кавадарци. Неговата партија ВМРО ДПМНЕ до последен момент тактизираше со името на кандидатот. Она што ги поврзува двајцата кандидати, за жал е трагедијата.
-Пред 13 години ненадејно почина мојот татко. Имав само 23 години кога станав управител на компанијата „Кожувчанка“. Многумлад,а веќе го имав предизвикот пред мене да функционирам одговорно, правилно и успешно. Секој ден одново и одново се борев со предизвиците. Секој ден одново нови проблеми, кои со сите сили се обидував да ги решам. И полека, ден за ден, таквото живеење ме направи и таков човек. Човек кој сака да работи, да дејствува и да се сретнува со нешто ново, ја почнува својата приказна Митко Јанчев.
Јанчев зад себе нема политички проекти со кои може да се пофали. Во суперлатив зборува за досегашниот градоначалник и ветува дека ќе ја продолжи неговаат, како што вели, успешна работа. Но, ветува и решавање на проблемот со откупот на грозјето, со изградба на дестилерија за откуп на вишокот грозје, затворен базен со катна гаража, нови градинки, училишта и спортски сали и проширување на улици.
Во оваа кампања, името на Јанчев се поврзува и со еден немил настан. Имено, додека патувал на конвенцијата на својата партија во Скопје, на влезот на Скопје бил сопрен од полицијата и претресуван. Според него, полицијата работела по партиски налог на СДСМ, па му вперила пиштол во глава, сакајќи да го заплаши. Но, од МВР изјавија дека при рутинска контрола, на влезот на Скопје се обиделе да сопрат возило кое возело пребрзо и не застанало на знакот „стоп“. Потоа, возилото било пресретнато и сопрено, а возачот, за кого не знаеле дека е кандидат за радоначалник, ги навредувал полицајците, па тие постапиле по стандардна процедура на претресување. Тогаш, во возилото пронашле пиштол, кој Јанчев го поседувал со дозвола.
Но, тоа не го обесхрабрува Јанчев. За себе вели дека води позитивна кампања, која не ја добива од спротивниот политички табор.
-Нашата визија е да понудиме крајно позитивна кампања, без лаги, манипулации и напаѓања. За жал не го добиваме тоа за возврат од противкандидадот, но со сите сили се бориме да останеме по патот кој го замисливме уште на почетокот. Се до крајот на кампањата сакаме да дејствуваме позитивно и да создадеме кампања која ќе нема ниту една темна дамка. Посакувам ваква кампања за сите кандидати, само со позитивни сили ќе успееме во исполнувањето на нашите планови и програми, рече Јанчев.
Битката за Кавадарци ќе биде интересна. Тоа го покажуваат и последните резултати од парламентарните избори лани, кога ВМРО ДПМНЕ освои само 864 гласови повеќе од СДСМ.
За Бетиане Китев, кандидатот на коалицијата предводена од СДСМ ова ќе биде втора кандидатура, откако пред четири години ги загуби изборите од актуелниот градоначалник Александар Панов од ВМРО ДПМНЕ. Единствено што тогаш успеа, беше двојно да ја намали разликата од седум илјади во првиот круг, на 3500 гласа во вториот изборен круг. Но, Китев е оптимист пред овие избори. 32 годишниот магистер на политички науки и докторант од областа на политичките науки и политичка анализа вели дека оптимизмот го темели на анализите и анкетите кои неговата партија ги направила.
Бетиане Китев е актуелен пратеник во македонското Собрание. Таму е од 2014 година, а на последните парламентарни избори минатиот декември доби уште еден пратенички мандат.Претходно, четири години беше член на Советот на општина Кавадарци. На своите сограѓани им ветува чист воздух, гасификација, подобрување на безбедноста во градот, реконструкција на главните улици и булевари, затворен пазар со подземен паркинг, нова детска градинка и колекторски систем.
– Мојот фокус е мојот тим и програмата која ја нудиме. Не размислувам на противкандидатот, бидејќи целта ни е на овие избори да ги убедиме граѓаните дека јас и мојот тим од листата за советници сме и програмски и кадровски најдобрата опција за Кавадарци, рече Китев.
Китев се надева на фер плеј, иако пред само шест месеци беше мета на валкана кампања, кога активисти на ВМРО ДПМНЕ го излепија Кавадарци со некролози со неговиот лик. Граѓаните беа згрозени од таквиот чин, поради невкусниот начин кој го избрал политичкиот противник. Имено, Бетиане доаѓа од угледно семејство.Неговиот татко е познат лекар педијатар од Кавадарци, кој што целиот живот го помина помагајќи им на децата, а нивната семејна трагедија пред 34 години го потресе и зави целиот град во црно. Во 1983 година, родителите на Бетиане ги изгубија своите ќерки Елизабета и Анета во тешка сообраќајна несреќа. Две години подоцна, тие собраа сили да продолжат со животот и на свет дојде Бетиане, кој што е крстен по неговите сестри, Бети и Ане.
Струмица е една од ретките општини во кои СДСМ може да се пофали дека биле 12 години на власт. Марјан Бајрактаров, кандидатот за градоначалник на оваа општина од ВМРО-ДПМНЕ, ќе треба многу да се потруди за да ја придобие наклонетоста на струмичани.
Струмичани за него велат дека станува збор за успешен и работен човек, лекар по професија, ценет и почитуван во фелата и помеѓу граѓаните. Во чаршијата важи за почитуван граѓанин, во кој жителите имаат доверба и почитување, без разлика на партиската определеност.
Бајрактаров е очен хирург и сопственик на пицерија. Зад себе нема ниту афери, ниту некаков скандал.
Тој вели дека одлуката за да се кандидира за градоначалник на Струмица ја донел бидејќи не можел да се помири со фактот што неговиот град по дванаесетгодишно владеење од СДСМ се уште се соочува со проблеми од минатиот век.
Неговата одлука да се кандидира за градски татко ја донел бидејќи како што вели тој не може да се помири со фактот што неговиот град по дванаесетгодишно владеење на СДСМ сѐ уште се соочува со проблеми од минатите векови.
Тој вели дека неговата визија во оваа изборна кампања е модерна и чиста општина со која ќе се идентификуваат и помладите и постарите.
„Време е да се постават стандардите на нова ера. Ќе се залагаме за рамнотежа на градбите и зеленилото и ќе работиме на еднаков развој на градот и населените места и паметно управување со нашиот заеднички животен простор. За младите луѓе ќе создадеме услови да напредуваат и работат во сопствената општина, високо ќе ја ценам и почитувам стручноста и квалитетните луѓе ќе бидат поставени на вистинските места. Ќе ги зголемиме хигиенските стандарди и технички ќе ги опремиме градинките и училиштата. Активно ќе го поттикнувам развојот на нови индустриски капацитети и иновативните бизниси“, вели Бајрактаров.
Како капитални проекти, тој во својата програма предложил изградна на современ градски пазар и паркинг простор и реконструкција на градскиот плоштад на улицата Благој Мучето.
Бојаџиев е дел од директорските промени на Таравари во август. Офталмологот е нов директор на Здравствениот дом Кратово.
Клучните проекти на Бојаџиев во Програмата за Кратово
Ветувањата на овој кандидат на СДСМ се фокусирани на приспособување на целата постојна урбана и рурална инфраструктура, за да биде во функција на потребите на граѓаните, обезбедување на чиста и здрава вода за пиење и чист воздух, постојано и навремено да се чистат депониите и каналите, да вложуваме во колекторски системи, пречистителни станици, регионални фабрики за третман на цврстиот комунален отпад и во енергетски ефикасни објекти.
Бојаџиев најавува директна поддршка за домашните фирми, пред сè за малите и средните претпријатија, обезбедување повеќе пари за општините, а со тоа и повеќе можности и повеќе пари за секој граѓанин на локално ниво, обезбедување еднакви услови и за странските инвеститори, вложување во младите- отворање центри за отпочнување и развој на бизниси.
„Кажете им на сите дојде Кендо и им понуди рака на сите партии во Ѓорче Петров. Сакаме да биде најдобра општина, но не со лицемерие и со лаги“, вака кандидатот за градоначалник на ВМРО-ДПМНЕ за Ѓорче Петров, Владо Мисајловски, ја најави својата кандидатура за изборите на 15 октомври.
Владо Мисајловски е роден и живее во Ѓорче Петров, каде неговите сограѓани го знаат под прекарот Кендо. Вели дека веднаш ја прифатил понудата да биде кандидат за градоначалник, бидејќи имал толку голема енергија, јасна визија, цел, конкретна програма за Општина Ѓорче Петров да стане уште подобро место за живеење, модерно и урбано за сите граѓани.
За себе вели дека е чесен и дека нема ниту една црна дамка во неговата кариера.
„Ќе ми вадат сто работи, ќе ми измислуваат сто вистини, не можат да ми најдат ништо валкано. Џабе им е“, вели Мисајловски.
Но, тој ниту еднаш досега нема проговорено за улогата на неговиот брат, Ацо Мисајловски, во пропагандната машинерија на ВМРО-ДПМНЕ. Ацо Мисајловски беше сопственик и основач на компанијата „Ем медиа ДООЕЛ“, издавач на провмровскиот портал „Курир“, преку кој се создаваше целата пропаганда на ВМРО-ДПМНЕ и се водеше хајка за секој неистомисленик на Никола Груевски. Ацо Мисајловски отстапи од сопствеништвото истиот ден кога неговиот брат, Владо Мисајловски, стана министер за транспорт и врски на 13 мај 2015 година.
Владо Мисајловски на овие локални избори ѓорчепетровци ги убедува да гласаат за него, но за реализација на планираните проекти очекува финансиска помош од градската власт.
„Инфраструктурата ќе биде мој најголем приоритет, нема да дозволиме да има неасфалтирани улици во Ѓорче Петров. Во наредниот планирано е да се асфалтираат над 100 улици во Ѓорче Петров. За да ја зголемиме безбедноста, заедно со Градот Скопје ќе изградиме нови кружни текови. Не помалку важно, но приоритетно и е подобрување на водоснабдувањето и изградба на канализационите мрежи, нови паркинг места, осветлување низ општината, изградба на рекреативни патеки. Сето ова се проекти излезени од вашите потреби“, вети Мисајловски при неговата промоција како кандидат на ВМРО-ДПМНЕ.
Тој не пропушта во своите говори или промотивни спотови да го пофали и поранешниот премиер, Никола Груевски и претходната Влада.
„Слушам се фалат од СДСМ дека обезбедиле многу грантови во инфраструктурата. Не мрднале со прст! Сите средства ги има обезбедено Владо Мисајловски и претходниот министер и Владата на Никола Груевски. Тоа ќе го правиме и во Ѓорче Петров, ќе обезбедиме грантови од сите страни“, ветува Мисајловски.
Владо Мисајловски дипломирал на Факултетот за политички науки и меѓународни односи, отсек дипломатија и меѓународна политика. Бил советник во кабинетот на Претседателот на Собранието, советник во општината Ѓорче Петров. Потоа влегува во Министерството за надворешни работи како државен секретар, потоа станува државен секретар во Министерството за транспорт и врски, од каде е именуван за директор на Јавното претпријатие за државни патишта.
Оттаму го наследува поранешниот министер за транспорт и врски, Миле Јанакиески. Мисајловски седна на неговата фотелја во мај 2015 година, откако екс министерот под притисок на јавноста и по објавените „бомби“ на тогашната опозиција си поднесе оставка. На позицијата остана две години, до крајот на Владата на ВМРО-ДПМНЕ.
Како кандидат за градоначалник ветува:
„Ќе откорнеме паркет ако треба, ама ќе имаме многу проекти во Ѓорче Петров.Тоа што ќе го кажам, тоа ќе биде реализирано. Ви го ветувам тоа“.
Градоначалникот на Крива Паланка од редовите на ВМРО-ДПМНЕ, Арсенчо Алексовски на овие локални избори од неговите сограѓани по трет пат ќе ја бара довербата за да ја води општината.
Од досегашните градоначалници и функционери кои ќе се кандираат на овие избори, Алексовски е деветтиот најбогат според имотот што го има пријавено во имотниот лист во Државната комисија за спречување корупција. Алексовски на свое име и на име на неговото семејство има пријавено четири куќи, еден стан, земјоделско земјиште, пари кои треба да ги добие од даден заем, четири девизни книшки со околу 160 илјади евра и една денарска со два милиона денари. На име на неговите деца има две девизни и три денарски штедни книшки со речиси 60 илјади евра и 1.200.000 денари. На име на неговата сопруга има две девизни и две денарски штедни книшки со по 658.600 денари и 23 илјади евра. Алексовски на свое име го пријавил и целокупниот имот на компанијата „Траншпед Трејд“ и „Беверли 1“, како и содружничкиот дел од фирмите „Мулти медиа нет“ од Куманово и „Оптикал нет“ од Скопје.
Алексовски е сопственик на компанијата „Траншпед трејд“ која е основана во 2006 година во Скопје. Фирмата има подружници во Крива Паланка, Гази Баба, Куманово и Струга.
Работници од Крива Паланка вработени во фирмата „Кадоро Отто Дооел“ во март оваа година го обвинуваа Алексовски дека се грижи само за профитот кој го добива од партнерството со оваа фирма: Работниците три месеци немаа земено плата и не им беа платени придонеси и поради тоа тие со протестен марш отидоа да се пожалат кај градоначалникот, но како што велат од него не добиле никаква помош.
Алексовски завршил Правен факултет, работел како раководител на правната служба во шумското претпријатие „Осогово“, а три години бил и инспектор во Министерството за внатрешни работи.
Кривична пријава за Алексовски
Министерството за внатрешни работи, минатиот месец против Алексовски поднесе кривична пријава поради злоупотреба на службената положба и овластување во врска со превозот на ученици.
Како што информираа од МВР, Алексовски, претседателот на Советот на Општината, Борче Стојчевски, и директор на Основното училиште „Јоаким Крчовски“, се товарат дека од 2014 до 2017 година, со злоупотреба на службената положба, овозможиле на родители на ученици од улицата Единство и од местото Лепојки да стекнат имотна корист во вкупен износ од 277.120 денари (околу 4.500 евра).
Според МВР, осомничените склучиле договор за превоз на ученици со фирмата „Пролетер“ од селото Конопница, кој, како што стои во соопштението, се одвивал без да бидат исполнети законските услови – местото на живеење на учениците да биде оддалечено најмалку два километри од најблиското основно училиште, односно тие живееле поблиску и користеле бесплатен превоз.
Алексовски тогаш рече дека власта намерно прави хајка против него и дека воопшто нема кривично дело за тоа што го обвинуваат.
„Станува збор за неколку дечиња Роми и неколку дечиња Македонци од социјално -ранливи групи кои го користеле училишниот превоз, а биле оддалечени неколку метри помалку од пропишаните два километри за користење бесплатен превоз. Единствениот грев, мој и на претседателот на Советот и директорот на „Јоаким Крчовски“ е тоа што сме овозможиле овие сиромашни дечиња да користат бесплатен превоз за да учат. Ова е чиста политичка хајка и валкана игра на СДСМ пред изборите да го оцрнат моето име како кандидат за градоначалник“, изјави Алексовски.
Алексовски по втор пат најавува гасификација
Градоначалникот Алексовски во изборната програма за локалните избори во 2013 вети дека градот до крајот на следната година ќе биде гасифициран преку модел на јавно -приватно партнерство.
Во ветувањето Алексовски зборува за чекорите за гасификација направени во текот на претходниот мандат, односно, дека изготвен е основен изведбен проект заедно со ревизија, усвоена е физибилити – студија и донесена е одлука за отпочнување постапка за јавно – приватно партнерство.
Според досегашните информации за она што е сработено, излегува дека работите стојат во место. На веб страницата на општината може да се види дека фирмата што ја изготвувала проектната документација, ја предала на општината уште на 11 мај 2012 година.
Пет години подоцна во својата програма, меѓу приоритетните проекти, Алексовски ја набројува и гасификацијата. Освен гасификацијата, тој ветува и изградба и реконструкција на тротоарите, изградба на локални патишта, реконструкција на дел од водоводниот систем во градот, изградба на пешачка патека, изградба маала за млади брачни парови.
Невзат Бејта е актуелен градоначалник на општина Гостивар каде според анкетите и очекувањата, битката за градоначалничката функција треба да ја води со кандидатот на Алијансата за Албанците и актуелен министер за здравство, Арбен Таравари.
Доколку победи, за Бејта ова би бил трет мандат на чело на општината.
Невзат Бејта е роден на на 19 октомври 1961 во Гостиварско. Тој е оженет и татко на три деца. Основно училиште завршил во ОУ „Исмаил Ќемали“ – Гостивар, а средното во гостиварската гимназија. Дипломирал на Приштинскиот универзитет – Филозофски факултет, на отсекот по историја. По дипломирањето, работел како професор во ОУ „Прпарими“ во село Чегране, а од 1987 до 2002 година бил професор по историја во гостиварската гимназија.
На политичката сцена се појавуа во 1993 година, како претседател на Културната заедница на Албанците во Македонија, а денес тој важи за еден од петте најбогати градоначалници според анкетните листови пријавени во Антикорупциската комисија.
Бејта има пријавено станбен простор од 300 метри квадратни со вкупна вредност од 18 и пол милиони денари, деловен простор од 40 метри квадратни со вкупна сума од 6 милиони денари, како и четири автомобили, односно Мерцедес Е-класа со вкупна вредност од 184.500 денари, Мицубиши од 20.000 денари, Голф 7 од 20.000 евра и уште еден џип Фиат Панда во вредност од 862.920 денари. Бејта пријавил и земјоделско земјиште во вредност од 12.300.000 денари.
Од 2002 година до 2005, Бејта беше пратеник во Собранието на Република Македонија. Од 2005 до 2009 година за прв пат ја води општина Гостивар како градоначалник, а истовремено беше и потпретседател на Заедницата на единиците на локалната самоуправа (ЗЕЛС).
На локалните избори во 2009 година, беше убедливо поразен од Руфи Османи, по што тој влезе во Советот на општина Гостивар. Во 2013 година, по вториот круг од изборите, повторно ја презема градоначалничката фотелја од Османи.
Во 2009 година, Невзат Бејта беше и заменик-претседател на ДУИ, а во периодот 2011-2013 го водеше Министерството за локална самоуправа во владата на Никола Груевски. Во 2013 поднесува оставка и ја презема општина Гостивар.
На локалните избори одржани во март 2013 година тој го победи Османи, кој пак се пожали на „изборен фалсификат“ и „политички реваншизам“.
Иако уживаа соработка додека ВМРО-ДПМНЕ и ДУИ беа во владина коалиција, по фомирањето на новата владина коалиција помеѓу ДУИ и СДСМ, Невзат Бејта и лидерот на ВМРО-ДПМНЕ, Никола Груевски упатија остри обвинувања еден за друг.
Според Груевски, Бејта бил еден од неговите обожавачи.
„Тој беше дел од Владата што ја предводев и можам да кажам дека е еден од албанските политичари кои со највозвишувачки зборови говореле за мене и за мојата работа, не само помеѓу нас туку и јавно на седниците на Владата што е запишано во стенограмите“, изјави Груевски во јануари 2017 година.
На ова претходеше изјавата на Бејта кој рече дека „Никој повеќе не сака да соработува со Никола Груевски“.
Коста Јаневски е кандидат за градоначалник на СДСМ за Струмица. Јаневски пред себе има тешка задача, тој треба да ги исполни очекувањата на струмичани кои досега на три локални избори довербата да ја води општината му ја даваа на лидерот на СДСМ и актуелниот премиер Зоран Заев.
Струмичани на овие избори ќе треба да избираат меѓу двајца доктори, па и самите тие не знаат за кого да гласаат, затоа што како што велат двајцата се одлични доктори на кои им веруваат.
Како што велат струмичани, Јаневски е најдобриот интернист во градот и ужива голема доверба кај граѓаните.
Јаневски на последните парламентарни избори во 2016 година стана пратеник од редовите на СДСМ, а претходно бил советник во Општина Струмица.
Јаневски за струмичани нуди над 20 капитални објекти и неколку помали проекти кои се во интерес на граѓаните.
Тој вели дека ќе обезбеди инфраструктура за сите, чиста вода и здрава животна средина. Ветува и ново булеварско поврзување на Струмица и нова транзитна обиколница, оплеменување на градскиот пар со нови содржини и систем за управување со отпад. За решавање на проблемот со бездомните кучиња, Јаневски ветува стационар и хуман третман на животните.
Арбен Таравари е познат невролог и почитуван доктор помеѓу своите колеги и пациенти, вакви беа епитетите кои му се придаваа на новиот министер за здравство кога стапи на функција оваа година по формирањето на владата предводена од СДСМ. Не толку познатиот политичар Таравари само што стапна во секторот здравство, реши да се проба и во трката за градоначалнички мандат во Гостивар.
Слично како и својот главен противник во општина Гостивар – Невзат Бејта во 2013 година, Таравари најави заминување од министерската позиција за после 15.октомври да биде градоначалник на Гостивар ако резултатите излезат во негова полза.
Таравари е роден на 7.април 1973 година во Гостивар. Своето средно образование го завршил на медицинското училиште „Панче Караѓозов“ во Скопје, а дипломирал на медицинскиот факултет при универзитетот „Св. Кирил и Методиј“ во 1998. Во 2006 година специјализирал неврологиј, а во 2011 ја одбранил докторската дисертација од областа на Паркинсонова болест. Во 2016 бил претседател на одделот на екстрапирамидални болести при универзитетската клиника за неврологија, а бил член на одборот на меѓународните медицински списанија „Медикус“ и „Vox Medici“. Во јавноста важи за угледен доктор. Тој е оженет и е татко на две деца.
Дали на болното здравсто примарен му е публицитетот
На политичката сцена се појави како десна рака на лидерот на Движењето за реформи во ДПА, Зијадин Села, по што стана и министер во 2017 година во владата на Зоран Заев.
Уште кога власта се колебаше каде ќе оди поддршката за лидерот во секторот здравство, а во јавноста почна да се шпекулира со неговото име, тој добиваше огромна поддршка од неговите колеги.
По најавата за кандидатурата за градоначалник, Таравари ја разочара јавноста, бидејќи беше еден од најпопуларните министри по раководењето на оваа институција од неговиот претходник Никола Тодоров. Тој најави дека доколку не го добие градоначалничкото место во Гостивар, ќе се збогувал со политиката.
„Нема друг член од нашата партија кој би го кандидирале за градоначалник. Се надевавме дека ќе имаме договор со некоја од помалите партии, но не успеваме да се договориме. Доколку не го добиеме градоначалничкото место, ќе се збогувам со политиката и ќе останам да работам како лекар, а ќе имам и повеќе време за семејството“ изјави Таравари.
Но ова не е прифатливо за Премиерот, кој рече дека, доколку Таравари не победи на локалните избори, ќе го врати во Владата на министерската позиција.
По негово раководство, Министерството за здравство воведе нова телефонска линија #ЗдравоТаравари за директна комуникација на граѓаните со министерот за здравство, преку мобилните апликации Вибер и Вотсап. Овие одлуки беа дочекани со сомнежи од страна на ексепртската јавност, а се редеа и критики дека како министер во еден од најболните сектори во земјава, не е примарно да се посвети на личниот ПР.
На телефонската линија 071/349-999 граѓаните преку електронска порака може да се обратат до Министерот со било каква идеја, со предлог, со пофалба или, пак, за одредени неправилности, обиди за корупција и нерегуларности со кои се соочиле во функционирањето на здравствениот систем. Редовно се фотографира, редовно се објавуваат негови статуси на социјалните мрежи, а јавноста веќе му замерува за популизам и себепромоција. Првата одлука која Таравари ја донесе кога стапи на функција беше онаа да вработи професионалци во ПР секторот. Критичарите негодуваа велејќи дека од толку многу приоритетни проблеми во здравството, несовесно е да се почне со маркетинг на министерот.
Во своите 100 дена во Владата, Таравари направи кадровски промени на речиси сите клиники, стави потпис на неколку декларации, и испрати ненајавени инспекции во неколку здравствени установи.
Таравари е еден од 15 кандидати на Алијансата на Албанците за градоначалничка позиција.
Дали Тренчовски во Пехчево ќе го донесе првиот градоначалнички мандат за СДСМ по 18 години
Драган Тренчовски иако е млад, во локалната политика не е ново име. Тој беше советник од редовите на СДСМ во општина Пехчево, а сега за прв пат бара доверба од сограѓаните за да ја води општината. За противник го има Игор Поповски од ВМРО-ДПМНЕ. Ако Тренчевски земе мандат, тоа ќе биде првиот градоначалник од редовите на СДСМ по 18 години.
„Незадоволството е големо. За прв пат оваа година Пехчево има помалку од 5,000 жители“, раскажува Тренчовски. „Не е лесно да сте млад човек во Пехчево и да го сведочите заминувањето на своите другари, другарки, семејство. Уште потешко од тоа е да се гледа како се мачат“, вели Тренчевски и истакнува дека ова се причините поради кои посебен фокус става на отворањето работни места, поттикнување на претприемништвото и руралниот и локален развој. Но ништо од ова не би вредело да се прави доколку не се решат проблемите од животната средина.
Тој има 34 години и е еден од малкуте помлади кандидати кои имаат шанса да ги артикулираат проблемите на својата генерација. Не е женет и на шега вели дека во следните пет години доколку го добие мандатот за него нема да постои друга љубов и други приоритети освен општината.
Нема да дозволам бившиот директор на ЕЛЕМ да тера бизниси на сметка на животната средина
„Јас не можам да правам проекти, ако Пехчево и околината се загадени и ако над стои мечот на пропаста. Потенцијалот на овој крај е во еко-туризмот, земјоделскиот туризам и тука треба да се фокусираат сите наши капацитети“, вели Тренчовски.
Меѓу првите работи со кои ќе се зафати е поништување на концесијата за хидроцентрала над локалитетот Равна Река.
„Вон сите процедури истата неодамна му беше доделена на поранешниот директор на ЕЛЕМ Христијан Мицковски. Се одржа јавна расправа на која се констатираше дека граѓаните се против ова еколошко убиство кое се заканува неповратно да ја промени и уништи околината. Но градоначалниците на Берово и ПЕхчево си свикаа по два совет и без да ја есапат волјата на граѓаните ги изгласаа промените во урбанистичкиот план на еден нелегален начин и му дозволија на фунционерот на ВМРО-ДПМНЕ да прави бизнис“, обвини тој.
Победникот ќе наследи блокирана општинска сметка
Ако победи, го чекаат големи предизвици. Еден од поголемите се и долговите на општината која во моментов има празна каса и блокирана сметка поради долг од еден милион евра.
„Пари веројатно општината му должи и нему. Неговата приватна фирма во негова и во сопственост на неговиот брат „Андон Компани“ учествува и добива тендери од Пехчево за превоз. Во оваа насока добро прашање е и зошто општината најмува автобус за превоз кога градоначалникот на Скопје, Коце Трајановски, пред неколку години ни подати нов општински автобус. Под изговор дека се поправа фарот, тој никогаш не возел низ Пехчево. Но затоа вози неговата компанија и други блиски до него“, обвинува Тренчевски и најавува ревизија на работењето на општината.
Конечно ќе почнеме да градиме инфраструктура за да успешно да ги користиме фондовите за развој
Пехчево и Берово се едни од општините со најголеми туристички потенцијали за рурален и еко туризам, како и земјоделски туризам, вели тој, па во таа насока и ќе бидат неговите програми.
„Јас сум свесен дека е лесно да се вети, но потребни се и финансии. Старата власт речиси воопшто не ги користеше средствата за претпристапна помош на Европската унија за рурален и регионал развој, но и на многу други донатори во земјава. Пари има, искористеност нема оти ВМРО-ДПМНЕ не сакаше да полага сметки пред никого, а сите знаеме колку е голема финансиската контрола од ЕУ за овие пари. Ќе бараме искусни консултанти кои се експерти во оваа област со задача да и помогнат не само на општината, туку и на приватниот бизнис, на малите земјоделци , младите претприемачи за тоа како да подготвиме најдобри проекти во областа на туризмот и врзаните гранки, но и ние како општина да им асистираме со апликациите“, вели Тренчовски.
Од корпоративен адвокат до политичар на отпорот што ветува поинакво Скопје
Кандидатурата за татко на Скопје, Шилегов ја поднесе од собраниските клупи. Ова е негов втор мандат во Законодавниот дом. Познат е како говорник во Собранието и е еден од пратениците со најмногу говори и реплики.
Иако со години е член на СДСМ, но прв пат јавна функција доби на парламентарните избори во 2014 година. Претходно, во 2005 година бил член на второстепената комисија за жалби по јавни набавки. Опозициската ВМРО-ДПМНЕ го обвинуваше дека како претседател на оваа комисија, Шилегов овозможил да се развиваат бизнисите на првите луѓе на СДСМ во тоа време. Го обвинуваа и за местење тендери додека бил член на второстепената комисија за жалби во владата. Во времето на Ристо Пенов, Шилегов дел од својот работен век ја поминал во Управниот одбор на Комуналната хигиена. Како адвокат со самостојна пракса, Шилегов во тие кругови е познат по својата работа на стопанското право, а малкумина знаат дека тој своевремено застапувал и познати корпорации, како телекомуникацискиот оператор Оневип.
ПЕТТИ НАЈБОГАТ КАНДИДАТ ЗА ГРАДОНАЧАЛНИК
Кога дојде како пратеник во Собранието, Шилегов во неколку наврати рече дека адвокатската кариера ја ставил во втор план затоа што сакал да се бори против режимот и за правата на граѓаните и дека како адвокат заработувал многу повеќе пари, отколку како политичар. За оваа изјава ВМРО-ДПМНЕ долго време го прозиваа дека за две години како пратеник кој не се појавувал во Собранието, заработил доволно пари за да си купи два нови стана.
Шилегов е петти најбогат кандидат за градоначалник на овие локални избори, тој во Антикорупциска комисија пријавил дека на негово име и на име на неговата сопруга поседува четири стана, куќа, возило, благородни метали, приходи од закупнини, два кредита, уметнички и колекционерски предмети, удели, акции и парични средства.
Во јавноста нема многу познати случаи во кои Шилегов се јавува како адвокат. Тој бил адвокат на поранешниот премиер Владо Бучковски во случај против Силвана Бонева. Контроверзен случај во кој Шилегов бил адвокат е „Бачило 2“. Во овој случај, Шилегов го бранел поранешниот правобранител Миодраг Стевановиќ кој беше осуден дека со потпишување договори за денационализација и нанел штета на државата.
АНТИКОРУПЦИСКА МУ НАЈДЕ СУДИР НА ИНТЕРЕСИ
Како портпарол на партијата, Шилегов често говореше за корупцијата и криминалот што го правеле функционерите од ВМРО-ДПМНЕ, па затоа и неговата адвокатска канцеларија често беше на удар од инспекции.
Државната комисија за спречување на корупција во 2015 година кај Шилегов најде судир на интереси. Тој мораше да се откаже од управувањето на адвокатската фирма, доколку сака да продолжи да биде пратеник.
„Државната комисија за спречување на корупцијата во рамките на своите со закон утврдени надлежности, оформи и постапува по предмет што се однесува на Вас и во чии рамки утврди дека покрај функцијата пратеник во Собрание на РМ на која сте избран на Парламентарните избори одржани 2014 година, истовремено ја извршување и функцијата управител (Овластено лице) на Адвокатско друштво Шилегов и партнери – Скопје. Државната комисија за спречување на корупцијата смета дека во конкретниот случај се наоѓате во состојба на судир на интереси бидејќи согласно Законот за спречување на судир на интереси и Законот за спречување на корупција имате статус на службено лице – пратеник и дека истовремено извршувате јавни овластувања и функции. Статусот на службеното лице Ве оневозможува истовремено да извршувате повеќе функции и должности вклучувајќи ја тука и функцијата управител во адвокатско друштво“, стои во дописот до Шилегов од Антикорупциска комисија.
ГАСИФИКАЦИЈАТА И ЧИСТИОТ ВОЗДУХ – ПРИОРИТЕТ ЗА ШИЛЕГОВ
Гасификацијата на главниот град е проект кој градоначалниците со години го ветуваат, но досега никој не успеа да го реализира. Ова е и еден од приоритетните проекти кој го ветува Петре Шилегов, кандидатот на СДСМ за градоначалник на Скопје. Тој ветува и град без смог, а пред него е голем предизвик – да ги спроведе граѓаните се недоверливи во врска со секое вакво ветување.
„ Во соработка со општините, ги обрзуваме инвеститорите да го надоместат изгубеното зеленило на парцелите на кои што започнале градби и да посадат соодветен број на садници. Инвестираме во градење зелени ѕидови од вертикално зеленило, зелени кровови и поставување на прочистувачи на воздухот на неколку локации. Постојаното зеленило ќе се заштити со поставување на нови заштитни гранични линии на парковите и парк-шумите зад кои нема да смее да се гради“, ветува Шилегов.
Во неговата програма може да се види и неизбежното ветување за гасифицирање на Скопје. Шилегов вели дека до секој јавен и приватен објект во Скопје ќе се заврши изградбата на примарната гасоводна мрежа, а секундарна за населбите од градот кои не се повразни на централниот топлификациски систем.
Јохан Тарчуловски – водач на „Комитите“, навивачката група на ФК „Вардар“, хашки затвореник, пратеник, па кандидат за градоначалник на Кисела Вода.
Член на ВМРО-ДПМНЕ станал уште од самото формирање, а во 1993 бил избран за претседател на УМС на ВМРО-ДПМНЕ за општина Чаир. По победата на ВМРО-ДПМНЕ на изборите во 1998 година стапил во обезбедувањето на премиерот Љубчо Георгиевски, а од 1999 година е телохранител на Претседателот Борис Трајковски.
Во 2005 година од страна на Хашкиот трибунал беше осуден на 12 години затвор за тешки кривични дела сторени за време на конфликтот во Македонија во 2001 година, во неговото родно село Љуботен. Тој беше осуден за наредување, планирање, поттикнување, помагање или поддржување убиство, смислено уништување градови и села и сурово постапување. Одлежа 8 години и во 2013 година беше ослободен од затворот во Шевенинген и се врати во Македонија.
На последните парламентарни избори во декември 2016 година, Тарчуловски станува дел од пратеничкиот состав на ВМРО-ДПМНЕ. Во неговата биографија пишува дека е дипломиран инженер – агроном на Универзитетот „Гоце Делчев“ во Штип, кој го завршил откако од Хаг се вратил во земјава.
Тарчуловски е еден од пратениците на ВМРО-ДПМНЕ кој на безбедносните снимки на крвавиот 27 април во Собранието, беше фатен како ги насочува насилниците кон салата каде беа пратениците од СДСМ. Тој подоцна изјави дека не чувствува никаква одговорност за случувањата на крвавиот четврток.
За локалните избори на 15 октомври, ВМРО-ДПМНЕ одлучи да го кандидира за градоначалник на Кисела Вода. Тој неговата програма ја дели на три категории: „Семејството – бескрајна љубов и истрајност“, „Пензионерите – темел на искуството“ и „Младите – иднината на општината“.
Тарчуловски ако биде избран за градоначалник најавува изградба на нови градинки, реконструкција на училишта, зазеленување на општината, активирање на пензионерските клубови, бесплатни обуки за компјутери, 11 октомври – ден на пензионерите, субвенционирање на иновативни проекти за отпочнување на свој бизнис, финасиска подршка во период од 3 години за „старт-ап“ бизниси, посредување при вработување во компаниите од о. Кисела Вода, активирање на младински клубови…
Тој во своите говори на митинзите, на присутните граѓани им се обраќа со „браќа и сестри“, а покрај ветувањата од изборната програма, редовно зборува за патриоти и предавници, со ратоборен став дека е дојдено време повторно народот да се сплоти и да остане единствен во одбрана на татковината.
„Јас сум човек кој минал низ радости и тага. Многупати сум се радувал, но многу пати душата ме болела. Сегашната болка е најголема, бидејќи е болка за Македонија. Не ме гледајте како човек на кој му е потребна функција и фотелја. Чувствувајте ме како ваш син, пријател и брат. Како што вели нашиот Петре М. Андреевски, племето наше е пиреј и не го ништи ниту една војска, само малку да се допре до земја и пак ќе оживее, пак ќе потера. Ништо не ја ништи таа трева, ништо не ја ништи Македонија. Да се биде Македонец е света работа , но и проклетство на вечна борба за Македонија“, вели на еден од митинзите Јохан Тарчуловски.
Тарчуловски е особено внимателен кон жените од неговата општина, посебно кон неговите сопартијки за кои изјави:
„Голема почит и огромно Благодарам за поддршката која ми ја дава понежниот пол, Унијата на жени на ВМРО-ДПМНЕ“.
Тој ја потпиша Јавната заложба за унапредување на заштитата на жените и децата жртви на различни форми на насилство. Како иден градоначалник, се обврза да ги заштити и поддржи сите ранливи категории на граѓани и активна соработка со невладиниот сектор.
Тарчуловски е оженет со македонската фолк пејачка Соња Тарчуловска со која имаат две деца.
Првата жена кандидат за градоначалник на Град Скопје, скопјанката Марија Џонс – една од основачите на партијата Левица, во јавноста стана позната по нејзиниот активизам и добрите говори што ги имаше на протестите против Законот за хонорарци во 2015 година.
Скопјани ја познаваат Џонс по нејзиниот активизам и учеството на протестите против измените во Законот за хонорарци.
„Кога ќе се соочите со неправда и со апсурди и кога ќе запознаете млади луѓе кои сето тоа го претрпеле на свој грб, а не станале корумпирани циници, тоа ви дава надеж“, рече Џонс.
Џонс веќе 20 години работи како хонорарен преведувач.
Таа за себе велеше дека „филмот ѝ пукнал летото 2014 кога Владата го наметна Законот за хонорарци“.
Марија Џонс беше носител на листата за пратеници на Левица во изборната единица 3, но на парламентарните избори кои се одржаа во 2015 година, ниту еден од кандидатите на оваа партија, не влезе во Собранието.
Џонс на овие локални избори ќе трка со Петре Шилегов од СДСМ, Коце Трајановски од ВМРО-ДПМНЕ, Ванчо Шехтански од ТМРО, Беким Фалзиу од ДПА, Нафије Селмани од БЕСА, Наим Бајрами од Алијанса на Албанците и Ѓорѓи Тодоров од НДМ.
Во својата предизборна програма, таа на скопјани им ветува унапредување на велосипедската култура. Поставување на апсорбери од мов City Tree на отровните ПМ 2.5 и ПМ 10 честички на сите поголеми крстосници и поставување на зелени покриви и инфраструктура.
Во делот за транспорт и инфраструктура Џонс ветува подигнување на нивоата на тротоарите во централното градско јадро како превентивна мерка за заштита на тротоарите. За спорт и рекреација, Џонс ветува два базена во населби кои се уште немаат базен и обновување на лизгалиштето под Кале.
За подобрување на образованието, Џонс вели дека ќе се изгради Народна опсерваторија за популаризација на науката и техниката.
Џонс ветува и дека Скопје постепено ќе премине на целосно соларно улично осветлување, дека ќе се подобри и зголеми поддршката и стандардите на традиционалните иницирања на културни содржини во градот.
Едно од ветувањата на Џонс е дека ќе се изгради или пренамени општински објект во кој ќе бидат сместени загрозените лица. Во овој контекст таа најавува соработка со рпетпријатија кои работат со храна за организирани донации за овие лица.
Игор Поповски пред своите сограѓани втор пат стои со ветувања за подобар живот во Пехчево. Регулација на речни корита, нови детски градинки, клубови за стари лица, реконструкција на многу улици, ова се само дел од активностите предвидени во неговата програма. Но најгорд ќе биде ако успее да го крене туристичкиот рејтинг на Пехчево.
Туризмот и брендирањет на земјоделските прозиводи ќе биде мој фокус ако победам
Поповски вели дека фестивалот ќе остане, но дека негов фокус доколку добие втор мандат, ќе биде искористувањето на потенцијалите на Пехчево во насока на развивање на руралниот и земјоделскиот туризам.
Ќе продолжиме со проекти од инфраструктурата, но бидеќи во минатиот мандат реалзииравме повеќе од половина, сега конечно остануа простор да се фокусиираме на развојот на економојата. Оттука, мој фокус ќе биде развојот на турзимот и брендирањњето Повеќе се фокусирам на развојот на туризмот и брендирање на земјоделските производи, а со тоа и развој на економијата.
На прашањето кој е неговиот став за рудниците кои беа планирани и на територијата на Пехчево, Поповски не е категорично против, но вели дека нивните методи на обработка на бакарот се неприфатливи.
„Имавме проблем со студијата која ја понудија, па сега инвеститорите прават нова . Првата постапка која ја понудија беше онаа со киселините, реагираа граѓаните и ние ги поддржавме. Се спротиставивме и на нашата влада, а и на новата. Бараме нови модели од нив, ама нив тоа им е скапо бидејќи нема толку многу бакар во земјата. Застарените модели кои првично ги понудија се едноставно неприфатливи. Останува отворена само опцијата за рудникот за јаглен“, рече Поповски.
Но покрај новото се ветува и старото. Разгледувајќи ја програмата на пехчевскиот градоначалник забележавме дека во областа на културата тој ветил фестивали и активности кои веќе постојат. И не само што постојат, ги ветил и реализирал и на минатите избори како фестивалот на гудачки оркестри и фестивалот „Пехчевски Павловден“. И ништо од ова не би било погрешно, но малата истрага низ културниот живот на ова гратче во источна Македонија покажа дека сите овие активности се организираат од само една невладина организација – „Здружение за културни дејности Млади во движење Пехчево“.
Вработените основале невладина, а градоначалникот им делел пари
Игор Поповски е професор по математика. Роден е во 1973 година и е дипломец на Природно-математичкиот факултет. Мандат од сограѓаните бара по втор пат. Неговата политичka кариера е видлива откако станува претседател на општинскиот совет во Пехчево од ВМРО-ДПМНЕ и на позиција е од 2009 до 2014 година кога решава за прв пат да влезе во трката за градоначалник на Пехчево.
На крајот на јуни непосредно по преземањето на функцијата на новиот градоначалник, седуммина вработено во општината ја основаат невладината „Млади во движење“, за веќе на 9 јули на седница на Советот, а по предлог на Поповски, се усвојува годишна програма за финансирање на работата на ова Здружение од општински пари. Не се знае за што се добивале средства од општината бидејќи во одлуките на Советот иако пишува дека програмата е во прилог на билтенот, истата не е објавена. Нема ниту податоци за висината на дотациите. До денеска тие се единствени кои без оглас и набавки добиваат народни пари со потпис на градоначалникот за да го оргнизираат фестивалот на гудачки инструменти.
Здружението дури добивало и признанија од општината, како оваа доделена минатата година во септември за заслуги во развојот на културата и успешно организирање на фестивалот на гудачки инструменти во Пехчево. Наградите си ги делеле сами на себе, па така вработениот од општината кој е и оснивач на невладината организација, бил говорник и доделувач на признанијата.
Главната општинска инспекторка е основач, а градоначалникот ги кани фирмите да донираат
Без исклучок, сите кои ја основале невладината, сосе овластеното лице, се вработени во општината, а се истакнати локални членови на ВМРО-ДПМНЕ.
Анита Каракашовска е советник за финансии и буџет во општината. Токму нејзиниот сектор го подготвува и планира буџетот, а тие се одговорни и за финансиски надзор и отчет врз оние кои трошат општински пари. Таму работи и нејзиниот сопруг.
Светлана Стамболиска е раководител на општинскиот инспекторат или популарно, таа е главната општинска инспекторка. Здружението кое го основала заедно со колегите за настаните кои ги организира покрај општинските пари собира и донации од фирмите низ градот. На веб страницата на градот Пехчево може да се најдат говори на градоначалникот каде што тој ги кани бизнисите да ги помогнат манифестациите кои тие ги прават.
„Иди па не дади. Ем градоначалникот те „кани“, ем раководителот на инспекциската служба може во секое време да ти прати инспекција. Па сум дал. Не дека со сила те тераат нели, ама зарем ќе се буниш кога знаеш кој е на другата страна“, рече сопственик на мал бизнис во околината на Пехчево кој што од страв поради одмазда од општината зборува анонимно.
Елица Јовевска е помлад соработник за спорт, додека Живко Каликов е помлад соработник за контакт со граѓани. Марија Ризовски работи во одделението за човечки ресурси, додека Трајче Поповски е лице за контакт со информации од јавен карактер.
Со исклучок на Светлана која е постара од останатите, сите други се членови на младината на ВМРО-ДПМНЕ.
Поповски: Тоа беше најизводливо решение за организирање на фестивалот
Градоначалникот и актуелен кандидат Игор Поповски не ги негираше фактите изнесени од НОВА. Тој вели дека ова било најдоброто решение за тоа како да го организираат фестивалот од практични и организациски причини.
„Размислувавме за тоа како да го решиме фестивалот и имаше одредени пречки, како на пример, како ние како општина да го носиме Здравко Чолиќ, на пример. Како ќе го платиме?! Затоа решивме овој дел од културната програма да го водиме преку невладина која ќе може да собира и други донации и спонзорства покрај помошта од општината, а истовремено лицата од здружението не земаат хонорари од невладината“, рече тој.
Експерти: Постојат сомнежи за злоуптреби
Универзитетскиот професор по јавна администрација и администратво право од правниот факултет при „Јустинијан Први“ при УКИМ Драган Гоцевски вели дека иако законите дозволуваат јавните и државни службеници да основаат граѓански здруженија и фондации, сепак, се отвораат сомнежи и се поставува прашањето дали биле запазени сите протоколи за спречување на судир на интереси.
Општината според закон може да формира установи, јавни претпријатија, здруженија. Во случајов оснивач не е општината, туку се физички лица- поединци кои истовремено се и вработени во самата општина и им се доделуваат средства. Истите луѓе му даваат пари на здружението, тој проток на пари мора да се следи и да подлежи на надворешни ревизии. За да се избегне било каков сомнеж, членовите мора да имаат поднесено изјава за судир на интерес бидејќи ваквите ситуации, иако дозволиви, отвоарат сомнежи за злоупотреби. И Комисијата за спречување на корупцијата мора да даде мислење. Чувар на законитоста на работењето на општината е градоначалникот со самиот факт дека тој ги потпипшува сите акти. Само ако сите органи на државата констатирале дека нема незаконитост, тогаш тој може да префрла пари.
Поповски: Туризмот и брендирањет на земјоделските прозиводи ќе биде мој фокус ако победам
Поповски вели дека фестивалот ќе остане, но дека негов фокус доколку добие втор мандат, ќе биде искористувањето на потенцијалите на Пехчево во насока на развивање на руралниот и земјоделскиот туризам.
Ќе продолжиме со проекти од инфраструктурата, но бидеќи во минатиот мандат реалзииравме повеќе од половина, сега конечно остануа простор да се фокусиираме на развојот на економојата. Оттука, мој фокус ќе биде развојот на турзимот и брендирањњето Повеќе се фокусирам на развојот на туризмот и брендирање на земјоделските производи, а со тоа и развој на економијата.
На прашањето кој е неговиот став за рудниците кои беа планирани и на територијата на Пехчево, Поповски не е категорично против, но вели дека нивните методи на обработка на бакарот се неприфатливи.
„Имавме проблем со студијата која ја понудија, па сега инвеститорите прават нова . Првата постапка која ја понудија беше онаа со киселините, реагираа граѓаните и ние ги поддржавме. Се спротиставивме и на нашата влада, а и на новата. Бараме нови модели од нив, ама нив тоа им е скапо бидејќи нема толку многу бакар во земјата. Застарените модели кои првично ги понудија се едноставно неприфатливи. Останува отворена само опцијата за рудникот за јаглен“, рече Поповски.
Саша Богдановиќ е кандидат на СДСМ за срцето на Скопје. За општината за која на претходните избори во 2013 година се биеше најголема битка меѓу кандидатот на ВМРО-ДПМНЕ, Владимир Тодоровиќ, и кандидатот на ЛДП, Андреј Жерновски. Градоначалникот беше избран дури по три круга гласање, а гласањето помина со многу нерегуларности и со стотици уфрлени гласачи од Пустец.
Битката за Центар, беше битка за проектот Скопје 2014 чиј идеен творец е лидерот на ВМРО-ДПМНЕ, Никола Груевски, за кој за згради, споменици и фонтани се потрошени околу 700 милиони евра.
Саша Богдановиќ ветува дека ако биде избран за градоначалник, ќе направи детална ревизија на „Скопје 2014“ и ќе ја објави целата документација за проектот.
„Галиите, шмизлите, Прометеј и целиот криминален и налудничав проект „Скопје 2014“ ја одзема душата и убавината на централното градско подрачје. Се украдоа милионски суми од граѓаните за барок и стиропор. Затоа ќе направиме детална и функционална ревизија со надлежните институци како на целиот проект, особено на тоа како брутално се спроведувале тендерите и набавките и деталните урбанистички планови што овозможија „Скопје 2014“ да биде најпознат архитектонски феномен во регионот, се разбира по лошо“, вели Богдановиќ.
Богдановиќ е единствениот од сите кандидати на овие избори кој има оригинална акција во предизборната кампања наречена – „Сакам борче“. На неговата интернет страница за изборите, постои можност на соседот или пријателот од општина Центар, да му нарачате бор кој сопартијците од неговиот изборен штаб го доставува на домашната адреса, а целта е да се зголеми зеленилото во оваа скопска општина.
Богдановиќ доколку биде избран за градоначалник на Центар, ветува дека ќе ги запре неконтролираните градежни активности, ќе направи ревизија на сите постоечки детални урбанистички планови и ќе гради по план, со цел да ја запре градежната мафија.
Саша Богдановиќ е член на СДСМ уште како средношколец во 2001 година, а во 2014 ја добива претседателската функција на Општинската Организација на СДСМ во Центар.
Тој освен што е посветен на партијата, останува верен поддржувач на кошаркарскиот клуб Работнички. Речиси не пропушта натпревар на овој скопски клуб, а по едно дерби меѓу Работнички и МЗТ, тој беше приведен од полицијата и му беше поднесена кривична пријава за попречување во нивната работа.
Богдановиќ е роден во 1985 година во Постојна, Словенија. Дипломирал политички науки на Правниот факултет при Универзитетот „Св. Кирил и Методиј“. А, во моментов е директор на ЈП Паркинзи на Општина Центар.
Тој е активен граѓански активист кој организирал многубројни хуманитарни акции и е еден од градоначалниците кои се залага за заштита и хуман третман на бездомните животни.
Кошаркарот Дејан Јовановски е изборот на ВМРО-ДПМНЕ за кандидат за градоначалник на општина Центар. Од сите „истурени“ првотимци, партијата на Груевски се одлучи за спортски играч кој на политичкиот терен е дебитант. Јовановски зад себе нема никаква политичка кариера, а во раководството на партијата на Груевски влезе на 29 јули годинава кога беше избран за член на Извршниот Комитет. Претходно, целата кариера ја мина на спортските терени, а подоцна и на клупата.
Јовановски е дипломиран правник, кој е роден и израснат во Центар и вели дека за оваа општина го врзуваат многу спомени. Кандидатурата ја прифатил зошто сака да ја врати функционалноста на Општината и таа да биде вистински сервис на граѓаните, отворена и достапна за секого.
Кандидатот на ВМРО-ДПМНЕ на центарци им ветува релаксирање на сообраќајот, изградба на пет нови монтажни гаражи, воведување на нови пешачки зони и патеки, здрава животна средина и многу други проекти со кои сака Центар да го направи пријатно место за живеење и работење.
Но, за разлика од неговиот против кандидат од СДСМ, Саша Богдановиќ, Дејан Јовановски ниту еднаш во кампањата го нема споменато проектот Скопје 2014 или урбаната мафија во општината.
„Ќе ги реконструираме постоечките и ќе изградиме нови паркови, зелени површини и блоковското зеленило. Предвидуваме воведување на гасификација на Општина Центар, во соработка со Владата на Р.М и градот Скопје, при што ќе се овозможи користење на еколошки чист енергенс кој дополнително не ја загадува животната средина, а ќе влијае врз пониски трошоци за корисниците“, ветува Јовановски.
Тој најави дека како дете на Работнички ќе го подржи клубот од секој аспект, вклучително и реконструкција и модернизирање на салата Градски парк.
Јовановски за изборите добива поддршка од неговите поранешни соиграчи од целиот свет, како Ури Коен Минц, израелски репрезентативец, Мактар Н’Даије НБА играч од Сенегал, Кори Краудер – поранешен НБА играч.
Ури Коен Минц за Јовановски вели дека тој кога бил кошаркар бил целосно посветен на тимот, напорно работел секој ден и давал 100 проценти од себе.
„Знаеше што да прави за да стигне до врвот“, вели израелскиот кошаркар во видео пораката за Јовановски.
Дејан Јовановски кошаркарската кариера ја почнал во Работнички, а има играно уште и за екипите на Никол Ферт, Ојак Рено (Турција), Лугано (Швајцарија), Перистери (Грција) како и за француските Роан и Шалон.
Тој беше дел од националниот тим на Македонија, кој во 1999 година во Франција за првпат настапи на едно Европско првенство. Во својата биографија има запишано неколку шампионски титули и пехари.
Пред неколку години, Јовановски извесен период мина во улогата на спортски директор на тимот од „Градски парк“. Во мај 2016 Јовановски бил назначен за генерален секретар на Македонската Кошаркарска Федерација, но по неполн месец се повлече од позицијата.
Пред да стане градоначалник, Славчо Чадиев пет години беше претседател на Советот на општина Велес. На чело на оваа институција дојде во 2008 година, откако двајца од советниците ја сменија страната, па од коалицијата на СДСМ преминаа во коалицијата на ВМРО ДПМНЕ. Една година претседателот на Советот и градоначалникот кохабитираа, бидејќи прв човек на општината во тоа време сеуште беше Аце Коцевски. На изборите во 2009 година, како носител на листа, Чадиев доби чист мандат и седна на претседателското столче во Советот. Според многумина, страстниот риболовец и некогашен каратист успешно ги водеше седниците. Знаеше да ги улови своите политички противници како „риба на суво“, но умееше и со цврста тупаница да создаде ред на седниците. Сепак, една дамка остана да му го црнее четиригодишниот мандат. Тој неодамна заработи кривична пријава од полицијата токму поради една одлука, која Советот ја донесе кога на негово чело беше токму тој. Успеал да врати на дневен ред веќе симната точка, со која, по итна постапка, Советот го отстапи вредниот хотел во село Горно Врановци на општина Чашка. Според полицијата, Чадиев ја злоупотребил својата положба. Дали е така, ќе треба да покаже евентуалниот судски процес.
Славчо Чадиев има 58 години. По струка е дефектолог, а неодамна магистрираше, со што го доби звањето „сурдолог“. Пред да стане градоначалник работеше во велешката болница, во одделението за уво, нос и грло. Во политиката е од основањето на ВМРО ДПМНЕ, а беше и претседател на општинскиот комитет на оваа партија во Велес. За многумина, победата на Чадиев на локалните избори во 2013 година беше изненадување. ВМРО ДПМНЕ одамна го имаше избришано Велес како „фикс“. Чудниот пресврт од преку четири илјади гласови во двата круга, за само две недели, отвори сомнеж за регуларноста на изборниот процес. Ова делумно се покажа точно, откако лидерот на СДСМ Зоран Заев во 2014 година почна да ги објавува „бомбите“, во кои се откри целата коруптивна шема, со која тогашната владејачка партија влијаела на изборните резултати. Сепак, Чадиев куртули од „бомбите“. Го немаше ниту во разговорите кои СДСМ ги презентираше во Велес, а беа поврзани со тамошни случувања.
За негови најголеми успеси Чадиев ги посочува економските резултати и намалувањето на невработеноста, инвестициите во индустриските зони, посебно во зоната „Караслари“, каде што се отвори фабриката на германскиот „Маркард“, во која се вработија околу 600 Велешани. Сепак, во четирите години од неговиот мандат, тој не успеа да го реализира едно од неговите најголеми ветувања – затворениот градски пазар.
Неговите политички противници го обвинуваат за недомаќинско водење на општината. Ја наследил без долгови, а само по четири години ја задолжил за преку три милиони евра. Во негово време во општинската администрација се вработија рекорден број луѓе, главно партиски кадри, а го превработи и најголемото јавно комунално претпријатие „Дервен“, во кое сега имаблизу 500 работници.
– Многу работи во општина Велес се „накриво“ поставени и треба од темел да се менуваат. Општината мора да биде отворена за стручни, искусни, професионални кадри, а не само за партиски кадри, кои понекогаш и сами не знаат зошто се таму. Општината мора сервисно да биде ориентирана, за на граѓаните да им пружат брзи, квалитетни и ефтини услуги од една страна, а од друга страна да обезбеди квалитетно извршувањена законски доверените надлежности. Единствена енигма ми е висината на долговите и огромната превработеност, рече Аце Коцевски, противкандидатот на Чадиев.
Запрашани по што ќе го паметат првиот мандат на Славчо Чадиев, граѓаните велат: по тоа што изгради два кружни токови, по тоа што од „Велешката питијада“ направи голема панаѓурскаманифестација со скапи пејачки имиња и по изјавата дадена за американски Си Ен Ен дека “во политиката нема морал, во политиката нема неморал, во политиката се е дозволено.“ Сепак, светот го запозна Славчо Чадиев, градоначалникот на Велес. Ја имаше честа да биде интервјуран од речиси сите светски влијателни медиуми, но и холивудски продукции, кои дојдоа во Велес да направат новинарски приказни и документарни филмови за младите Велешани кои со лажни вести на интернет, наводно влијаеле на американските избори во корист на претседателот на САД Доналд Трамп.
За разлика од Чадиев, Аце Коцевски е поинаков профил на политичар. Во политиката е одамна, повеќе од 30 години. Припадник е на таканаречената „Кумровачка школа“ на политичари. Во поранешна Југославија извршуваше значајни функции, меѓу кои и секретар на Младинската организација на Југославија.По осамостојувањето на Македонија, како член на Либералната партија, во 1994 година станува пратеник во македонското Собрание. Велешани го паметат како човекот кој ја поднесе иницијативата да се избрише придавката „Титов“ од името на Велес. Голем број граѓани, посебно оние од постарата генерација, менувањето на името на градот на Коцевски му го земаа за зло. Сепак, тој цврсто го бранеше својот став и предлогот беше прифатен.
56 годишниот Аце Коцевски важи за одличен познавач на локалната самоуправа. Учествуваше во изготвувањето на првиот Закон за локална самоуправа, кој беше неопходен за одржување на првите локални избори во Македонија во 1996 година. Во 2000 година стана вториот градоначалник на Велес во независна Македонија, на чие чело беше два мандати, до 2009 година. Неговите соработници го паметат како тврд политичар, лидерски тип кој сака да доминира и политичар кој упорно ги турка своите идеи. Еден од првите негови проекти беше реконструкција на фасадите во централното градско подрачје. Велешани го паметат како човек кој го изгради „Малото мовче“ на реката Вардар, го направи првиот кружен тек во центарот на градот и големиот споменик – коњаник, во чест на велешките Илинденци, воспостави нов режим на еднонасочен сообраќај во градот, ја поплочи главната улица со „бехатон“ плочки.
По поразот на изборите во 2009 година, се повлече од политиката и почна свој приватен бизнис. Се одлучи да се кандидира и четири години подоцна, но пак изгуби, овојпат од Славчо Чадиев.
– Граѓаните на Велес добро знаат дека јас не ги изгубив изборите, туку дека победата ми беше украдена. Јас бев морален победник. Заради изборниот партиски инженеринг во вториот круг беше изиграна избирачката воља на граѓанките и граѓаните на Велес. Направените штети кои се ненадоместливи ги гледаат граѓаните, знаат да направат разлика и затоа сега ќе ја исправат големата неправда која ми беше нанесена, за Велес повторно да биде општина за пример, општина без корупција, најдобра општина, убаво и посакувано место за живеење во кое младите ќе ја градат својата сегашност и својата иднина, смета Аце Коцевски.
Но, неговите политички противници го обвинуваат за „шминкање“ на градот, за повеќекратно зголемување на цената за вода за пиење, поради земениот кредит за замена на старата водоводна мрежа. Според нив, Коцевски се амнестирал од трајно решавање на проблемот со свлечиштето „Рамина“, велејќи дека тоа ги надминува финансиските можности на општината и дека „топката“ ја префрлил кај државата. Го сметаат за стар и истрошен политичар, кој по петти пат се кандидира за градоначалник, губејќи ги последните два изборни циклуси. Од друга страна, Коцевски смета дека не го кажал поледниот збор во политиката.
– Одлуката да поднесам кандидатура ја донесов пред еден месец, пред се, затоа што не можам да се помирам со тоа што и се случуваше на Македонија во претходните 11 години, затоа што не можам да се помирам, Велес, од најдобра општина, со многу награди и признанија, да стане просечна општина, превработена со партиски заслужни, нестручни и некомпетентни кадри и презадолжена. И на крај затоа што сакам своето знаење и искуство да го ставам на располагање на мојата општина и држава, наместо себично да си ги гледам своите работи, да гледам сеир и да наоѓам маани, вели Коцевски.
На Велешани им ветува покриен градски пазар со трговско-деловни објекти и решавање на проблемот со паркирањето.
Велешкото „вечно дерби“, како што некои го нарекуваат новото изборно соочување на Чадиев и Коцевски, се очекува да биде едно од најинтересните во Македонија.
Мирниот човек на ВМРО-ДПМНЕ ветува водовод во општината без млади
И на овие, како и на сите изминати избори водоснабдувањето на Крушево ќе биде главниот и приоритетниот проблем со кој кандидатите за градоначалници ќе се обидат да го добијат гласот на крушевчани на овие локални избори.
Градоначалникот на Крушево- Ѓорѓи Дамчевски од ВМРО-ДПМНЕ, кој на овие избори ќе се бори за втор мандат на граѓаните им вети конечно решавање на деценискиот проблем со водата со кој се соочува градот. Им вети и подобрување на економијата, изградба на нови спортски сали и реконструкција на патиштата.
Крушевчани, Дамчевски го знаат како најдобриот доктор – интернист и велат дека подобро било да си остане доктор, наместо да се кандидира за градоначалник. Тој е еден од ретките кандидати на ВМРО-ДПМНЕ кого не го следи корупциска афера. Дури ни неговите противници за него немаат кажано лош збор. Соговорниците со кои разговаравме велат дека членството на неговата партија му е налутено затоа што не ги завршувал работите кои ги барале од него.
Но иако не ги провоцира со афери, мнозинството од крушевчани неговата инертност ја смета за голема маана. Незадоволството лежи во отсуството на проекти. Велат дека Крушево во неговиот мандат воопшто не се придвижило кон подобра општина и не понудила подобар живот за своите граѓани. Можеби ова се должи на тоа што неговиот претходник, не само што му оставил празна каса, туку и ја оставил општината задолжена со стотици илјади евра долг.
Крушевчани се жалат дека младите си заминуваат од градот затоа што во градот нема работа ниту за постарите граѓани, а не нешто што ќе ги заинтересира младите да останат и знаењето да го инвестираат во својата општина. Цели семејства од Крушево бегаат во Шведска и Швајцарија.
„Единствени работни места во Крушево се од државната администрација. Голем број од жителите на овој град одат да работат во економските зони во Битола и Прилеп. Од неговиот мандат се очекуваше барем малку економски да се раздвижи градот, но за жал тоа не се случи“, велат нашите соговорници.
Жителите на Крушево се надеваат дека градоначалникот кој ќе победи на овие избори, ќе донесе странски инвеститор кој ќе помогне да ги заживеат замрените објекти во градот со што ќе се развие туризмот, а со тоа ќе се отворат повеќе работни места.
Актуелниот градоначалник на Карпош, Стевчо Јакимовски, на секои локални избори настапува како кандидат на различна политичка партија. Тој првиот градоначалнички мандат го освои како кандидат на партијата ЛДП, вториот како кандидат на СДСМ, а во последниот мандат на изборите одеше како независен кандидат, со печат на Српска напредна странка во Македонија (СНСМ). На претстојните локални избори Јакимовски е кандидат на неговата партија ГРОМ.
На локалните избори во 2013 година, откако СДСМ реши да го кандидира Андреј Петров за градоначалник на Карпош, Стевчо Јакимовски својата кандидатура ја поднесе со печат на Српска напредна странка. Социјалдемократите го исклучи од партијата, но тој успеа да ги победи своите противкандидати од ВМРО-ДПМНЕ и од СДСМ и со голема доверба од граѓаните застана на чело на Карпош. Својата победа ја прослави со стиховите од српската песна: „Не може нам нико ништа, јачи смо од судбине“, која ја потпевнуваше и во текот на целиот мандат.
Во четирите години владеење, Јакимовски за 360 степени го смени курсот и во политиката и во управувањето со општината. Од социјалдемократ, мандатот го завршува како човек близок на ВМРО-ДПМНЕ. Од омилен татко на општината, последната година се соочи со гневот на жителите на Тафталиџе и Карпош 4, кои го обвинија дека „на сметка на урбаната мафија дозволува да се уништат парковите и зеленилото во општината“.
Јакимовски беше организатор на контрапротестите пред Уставниот суд, кога се одлучуваше за аболициите на претседателот Ѓорѓе Иванов на осомничените членови од врвот на ВМРО-ДПМНЕ. Тој и неговите приврзаници наместија шатори пред судот, со цел да му дадат поддршка да одлучува без притисоци.
Актуелниот градоначалник на општина Карпош на изборите на 15 октомври настапува со слоганот „Резултати, а не приказни“.
Довербата од граѓаните ќе ја бара со следниве ветувања: „Сметот во Карпош ќе биде минато, зашто ќе поставиме подземни контејнери. Проблемот со паркирањето ќе биде сведен на минимум. Карпош ќе има два пати повеќе зеленило од светскиот пропишан стандард. На младите ќе им доделуваме земјиште и ќе ги ослободиме од комуналии да градат куќи. Секој кој ќе стане полнолетен карпошанин ќе го поддржиме со бесплатна обука за возачка дозвола и ќе го направиме Карпош побезбеден“.
Карпош е единствената општина во Македонија каде ВМРО-ДПМНЕ нема свој кандидат како опонент на СДСМ. Против кандидат на Јакимовски за Карпош е Стефан Богоев од Социјалдемократскиот сојуз.
Кога го прашавме Јакимовски зошто не треба жителите на Карпош да гласаат за Богоев, тој ни одговори.
„Мојот опонент прави спотови против мене, ама никако не кажува зошто граѓаните би гласале за него. Сепак, тој е само празна приказна, празна приказна и во минатото, и во сегашноста и во иднината. Таква празна приказна и празна иднина, Карпош навистина не заслужува. Безидеен е и оди на избори без познавање на проблемите на граѓаните. Навредливо и арогантно, без почит кон своите сограѓани. Не би гласал и поради тоа што упорно седи на две столчиња. Ние немаме вистински кандидат за градоначалник на Карпош, туку пратеник во Собранието на Република Македонија и градоначалник во обид. Толку околу неговите искрени намери за Карпош“, вели Јакимовски.
Стевчо Јакимовски е роден на 27 август 1960 година во Подржи коњ кривопаланечко. По дипломирањето на Економскиот факултет во Скопје во 1987 година, тој волонтирал како новинар во спортската и во информативно-политичката редакција на втората програма на Радио Скопје. Во септември 2000 година за прв пат бил избран за градоначалник на општина Карпош, а во ноември 2003 година за министер за економија во Владата на Република Македонија. Бил министер за труд и социјална политика од декември 2004 до јуни 2006 година.
За себе вели дека поседува одлични ораторски и аналитички спосособности, комуникативност и умешност за пишување и дека е еден е од најпознатите македонски колумнисти. Јакимовски е поранешен репрезентативец на Македонија во карате и петкратен републички првак.
Кандидатот на СДСМ за градоначалник на Крушево, Томе Христоски е еден од оние за кои слушавме во бомбите како поранешната влада им праќала инспекции и барала да се казнуваат затоа што не ја подржувале нивната партија.
Како што раскажа Христоски за НОВА ТВ, притисоците со кои се соочувал тој и неговото семејство, пријатели и жители на Крушево била причината да посака да влезе во политика и да се кандидира за градоначалник. Ова му е прв ангажман во политиката. Со години работел во СВР Битола како криминалистички инспектор и вели дека од неговите претпоставени со години трпел понижувања и притисоци.
Христовски како кандидат за градоначалник на Крушево е избран на внатрепартиските избори во општинскиот комитет на СДСМ. Од пет кандидати, мнозинството гласови отишле кај него.
М.Н. Христовски со години живеел со притисоци од ВМРО-ДПМНЕ
Таткото на Христоски, во 2002 година си основал компанија „Ѓоко Транс“, но во последните години неколку од владеењето на ВМРО-ДПМНЕ фирмата секојдневно се соочувала со инспекции и казни.
„Моето семејство се соочуваше со казни, уцени и секаков вид на притисоци. Имавме големи долгови поради казните кои ни ги пишуваа од сообраќајна полиција и Управата за јавни приходи за фирмата на мојот татко и затоа одлучивме да ја продадеме. Фирмата беше рентабилна. Ја дадовме сосе возни линии. Притисокот беше преголем. Знаејќи дека многу семејства во Крушево се соочуваат со вакви или слични проблеми одлучив да се кандидирам за градоначалник и да ја подобрам состојбата во која живее моето семејство и моите сограѓани“, рече Христоски.
Во разговор со НОВА ТВ, Христовски рече фирмата морале да ја продадат на човек близок до ВМРО-ДПМНЕ.
Сопственик на фирмата на неговиот татко сега е компанијата „Аполо турс“ од Кичево. Основана е во јули 2012 година. Сопственик и управител на двете фирми е Кире Колчакоски, кој е внук на поранешен директор на Регионалната канцеларија на УЈП.
М.Н. Крушево – град без млади
Крушево е град речиси без млади луѓе. Мал е бројот на среднисти и дипломци, коишто не го напуштиле градот и успеале да најдат работа, во државна администрација или во неколкуте фирми, што го означуваат крушевското стопанство.
Младински сојуз-Крушево“ е невладина организација, која ги следи проблемите со кои се соочуваат младите. Тие велат дека најголем проблем со кој младите се соочуваат е невработеноста. Од таму велат дека ова нема да се смени се додека не започне градот економски да се развива и да се инвестира во нови работни места, да се вклучат младите во работата на локалната самоуправа и да се поддржи самовработувањето.
М.Н. Пет приоритети за Крушево
Христоски вели дека ќе работи и ќе биде градоначалник за сите граѓани, а општината ќе ја направи отворена.
Тој вели дека си поставил пет приоритетни проекти кои планира да ги спроведени во првите месеци откако ќе стане градоначалник.
„Ќе градиме едно општество за сите. Отворена и услужна општина за сите е нашата цел. Идниот градоначалник на општина Крушево мора да биде достапен за граѓаните. Вие, граѓаните, ќе ги имате сите потребни услуги, како од локална, така и од централната власт “, ветува Христоски.
По три мандати како градоначалник на Кратово, Андоновски и овие избори е поддржан од матичната партија- Социјалистичката, но и традиционално, и од коалициониот партнер ВМРО-ДПМНЕ.
Од незадоволните, критички настроени кон неговото владеење- сограѓани, тој е опишуван како локален шериф, десна рака на “газдата на Кратово”- Љубисав Иванов- Ѕинго, додека од оние кои сметаат дека успесите се на негово конто, е перципиран како вистински татко на овој град, од каде масовно се иселуваат младите луѓе, додека останатите гледаат низ различни клучалки на сопствената иднина, зависно од партиската поддршка кон Ѕинго.
Во 2013 година Андоновски како градоначалник на Кратово ветил отворање на паралелка за туризам во тамошната гимназија, но иако паралелката била основана, за неа не биле заинтересирани доволно ученици. Потоа, тој ветил и нова модерна кино сала, во текот на кампањата, дури и Мултимедијалниот центар бил и свечено пуштен, но кратовци не изгледале ниту еден филм. Она што ја прави целата ситуација апсурдна е дека во тоа време кратовчани дури и купиле карти за долгонајавуваната проекција за филмот “Трето полувреме”, но техничкиот тим од Скопје не знаел дека нема озвучување на салата, а немале и платно за прикажување на филмот. (извор: https://www.slobodnaevropa.mk/a/25064939.html)
Андоновски, кој во мандатот на претседателот на ФФМ, Харалампие Хаџи-Ристески, беше и член на УО на оваа Федерација, продолжува низ годините да биде критикуван и обвинуван: СДСМ во 2015 година излезе со обвинувања дека градоначалникот Мите Андоновски со помош на советниците ги задолжил граѓаните на Кратово за околу 500.000 евра за изградба на зелен пазар, а образложението е дека Општината е во лоша финансиска состојба и дека овој проект не бил изборно ветување на владеачката коалиција. Андонов ги отфрли овие обвинувања, со образложение дека Општината никогаш не била во лоша финансиска состојба, блокирани сметки или големи долгови.
Клучни проекти на Андоновски за Кратово
Андоновски верува дека ќе работи на решавање на проблемот со собирањето на отпадот, планира “да се затвори старата депонија во селото Железница, да се изгради нова регионална депонија во околината на Свети Николе, каде што целиот отпад од североисточниот регион ќе се носи таму”.
Борјанчо Мицевски, кандидат на СДСМ за градоначалник на Крива Паланка бил советник во Општината Крива Паланка. Тој со доаѓањето на власт на владата на СДСМ, станува вршител на должноста директор на Државниот инспекторат за урбанизам и градежништво кој е во состав на Министерството за транспорт и врски.
Мицевски е и актуелен претседател на Општинската Организација на СДСМ од Крива Паланка.
Дипломирал на Природно-математичкиот факултет, на отсек Хемија и долги години работел во невладината организација „Регионален центар за оддржлив развој“.
Мицевски на жителите на своите сограѓани им ветува дека ќе направи Гасификација на градот, ќе ја дислоцира градската депонија, ќе изгради подземна сообраќајница и подземен паркинг, како и нов градски пазар и парк.
„Во првите 100 дена од мандатот, за 15отсто ќе ги намалиме сметките за вода и комунални услуги за сите граѓани на општината. За стимулирање на бизнис секторот и вработување на младите, ќе востановиме манифестација „Стопанственик на годината“, вели Мицевски. Тој вели дека потекнува од работничко семејство и силно го цени работничкиот труд.
„Ќе се грижам за работничките права и цврсто ќе се борам за подобрување на животот на сите граѓани“, вели Мицевски.
Од неговиот противкандидат, Арсенчо Алексовски од ВМРО-ДПМНЕ, Мицевски често беше обвинуван дека на граѓаните им дава нереални ветувања или пак ветува работи кои веќе биле изградени во нивниот град.
„Ветувањето на Борјанчо Мицевски за изградба на акумулација на Селска река во село Конопница е не реално, бидејќи во претходниот мандат за ваквиот проект имам консултирано проектантска куќа надлежна за проекти од ваков вид која при извршената анализа на терен донела заклучок дека ваквата инвестиција за таа локација е не рационална“, обвинил Алексовски.
На изборите на 15 септември жителите на општина Кисела Вода ќе избираат помеѓу Филип Темелковски од СДСМ и Јохан Тарчуловски од ВМРО-ДПМНЕ.
35-годишниот Темелковски во Социјалдемократскиот сојуз е од својата 18 година. На скалилата во партијата се искачува прво како генерален секретар на Социјалдемократската младина, па како член на Извршниот одбор на Кисела Вода, а од 2013 година е претседател на Општинската организација на Кисела Вода.
Предизвикот да биде кандидат за градоначалник го прифатил со цел да придонесе и да направи нешто за неговите сограѓани и за општината каде што живее целиот свој живот.
„Изминативе шест години интензивно работев на локалната проблематика, на проблемите и начините за развој на мојата општина. Тука сум роден и сакам да направам промени во Кисела Вода, која за жал во изминативе години стана една од најлошите општини во Македонија“, изјави за НОВА ТВ Филип Темелковски, кандидат на СДСМ за општина Кисела Вода.
Темелковски во својата програма на жителите од Кисела Вода им ветува гасификација на општината за здрава животна околина, пониски трошоци и економски развој. Две нови градинки во расадник и Драчево, функционална поликлиника во Драчево и изградба на нова во Расадник. Функционална атмосферска и фекална канализација во Припор, економично и ефикасно улично осветлување за безбеден сообраќај.
Филип Темелковски е дипломиран економист кој веќе 15 години е во угостителскиот бизнис и туризмот. Бил на менаџерска функција во хотел „Славија“ во Охрид, со неговиот брат беа сопственици на ресторанот „Евридеј“ во Аеродром, а во моментов тој е раководител на сектор туризам и угостителство при Македонско – Бугарска стопанска комора.
Филип Темелковски е син на бизнисменот Зоре Темелковски, кој од 1994 до 1998 година беше пратеник во Собранието од СДСМ, а подоцна и претседател на Кошаркарската федерација на Македонија.
Угриновски – човекот со еден од најтешките анкетни листови повторно ја бара довербата од вевчанци
Изборите ќе поминат, се’ ќе помине, но ќе остане споменот за моите, но и за нивните дела. Народот и Бог, како и за се’ во животот ќе суди и пресуди, вели Цветомир Угриновски кандидатот за градоначалник на општина Вевчани од ВМРО-ДПМНЕ.
Жестоко реагира на обвинувањата дека незаконски и ненаменски ги троши парите на вевчанци.
„Пак провоцираат, лажат и манипулираат. Ама ако, како ќе кажам инаку за пустошот кој што е правен во општина Вевчани во минатото од кој и денес имаме последици. Велат дека сум направил долг во општина Вевчани од 92 615 евра. Не кажуваат за што е. Јас ќе им кажам. 118 000 евра е позајмица од Светска банка за набавка на багер и камионче за отпад во 2011 година. Околу 20 000 евра е краткорочна позајмица од државниот буџет од претходниот градоначалник затоа што некој пред него изгледа не плаќал. Околу 25 000 € долг од проектот “Вевчани ноќе“. Не сум направил јас долг, јас сум вратил стар долг од 70.385 евра. Преку 100 000 евра исплатив долгови од пред 10 години за “чистење“ на депонии, адвокати што ве тужеле по судови за долгови за вода, за некои идејни проекти, карневали, стари сметки за струја од општинска зграда, телефони,репрезентации, сијалици за улично осветлување.“
Горд е на, како што вели, реализираните ветувања на капиталните проекти. При тоа не заборава да ја спомене претходната владата на чело со поранешниот премиер Никола Груевски. Во екот на кампањата заработи кривична пријава за која смета дека е политичка хајка врз него.
„Историјата се повторува, повторно сопствената држава удри против прогресивните сили на Вевчани. Истовремено се случи и предавство од страна на кодош од општинската администрација, кој во соработка со општинската организација на СДС од Вевчани преку финансиската полиција поднесоа кривични пријави против мене и 6 други луѓе“
Угриноски смета дека не битно е што зборуваат за него но сепак на социјалните мрежи може да се најдат неговите реакции, објаснувања, одговори на речи се’ што се зборува, пишува и објавува за него. На пошироката јавност и стана познат поради роднинските врски со пратеникот Крсто Мукоски кој е негов внук од сестра со кој заедно, барем според јавно достапните информации за четири години заработиле милиони евра по различни основи. Угриноски има неколку фирми. Само последната, „Виа инжинеринг“ што ја отворил во 2000 година, откако станал градоначалник му донела милионски бизниси. Од 2013 година до денеска оваа компанија склучила договори со владата во вредност од 53 милиони евра. Тендерите што ги добила фирмата се за изградба и реконструкција на училишта, болници. Изминатите години „Виа инжинеринг“ најмногу и највредни тендери добила од Акционерско друштво за стопанисување со станбен и деловен простор, Општина Аеродром и Министерството за здравство.
„Децениското искуство како ко-сопственик и сопственик на приватни градежни компании со повеќе од 100 вработени, формалното и неформалното образование во Словенија се едни од главните столбови во искачувањето на моите денешни бизнис скалила во Македонија“
Угриноски во својот анкетен лист пријавил дека неговото семејство е сопственик на неколку станбени згради, неколку станови, ниви, земјоделско земјиште. Исто така на негово лично име, на име на неговата сопруга и деца имаат штедни книшки 122.733 евра и 111. 792 евра. Угриновски има пријавено и неколку моторни возила. Според имотот кој го пријавил во Државната комисија за спречување корупција, месечно, семејството на Угриновски од закупнина добива 5.000 евра.
Угриноски е убеден дека по втор пат ќе стане градски татко на Вевчани и тоа уште во првиот изборен круг.
Стефан Богоев е еден од најмладите кандидати за градоначалник на локалните избори во 2017 година. Тој има 28 години и ќе се бори за градоначалничкото место во општината Карпош, каде противкандидат му е актуелниот градоначалник од партијата ГРОМ, Стевчо Јакимовски.
Стефан Богоев веќе два мандати е пратеник во Собранието на Република Македонија. Тој за прв пат влезе во законодавниот дом по изборите во 2014 година, а потоа повторно беше избран за пратеник на предвремените парламентарни избори во 2016 година.
Го прашавме зошто решил да го прифати предизвикот и да му пркоси на Јакимовски за прв човек на Карпош.
„Затоа што тука планирам да останам да живеам, тука сакам да оформам семејство. Имам идеи, имам визии и знам како на Карпош и заедно со карпошани да си го вратиме достоинството, да си го вратиме воздухот, да си ја вратиме и да ја унапредиме животната околина. Затоа, наместо комотно да седам во Собрание, решив сите овие идеи да ги исканализирам и да ги ставам на увид на моите сограѓани, да влезам во оваа борба беспоштедно за враќање на животот во Карпош. И знам дека заедно со карпошани ќе успееме да си ја вратиме општината“, вели Богоев.
На локалните избори на 15 октомври, Богоев на карпошани им ветува: Екопаркизни за чист Карпош, картичка „Мој Карпош“ со која ќе се овозможат повеќе пари за граѓаните, Рекреативен центар за пензионери и пензионерски дом, нов зелен парк во Карпош 4 на површина од 80.000 м2, три реонски базени, страт – ап центри за намалување на младинската невработеност.
Претстојните локални избори според него се „финалната фаза на демонтирањето на режимот кој што повеќе од една деценија ја урнисуваше Македонија, а во Општина Карпош, Стевчо Јакимовски е последниот остаток од режимот на Груевски, со иста матрица на владеење“.
На прашањето зошто карпошани да не гласаат за Стевчо Јакимовски, туку гласот да го дадат за Стефан Богоев. Кандидатот на СДСМ за НОВА ТВ одговори:
„ Од аспект на локалната самоуправа и животот во Карпош, во времето на владеењето на Јакимовски како низ нашите маала да поминал квазиурбан бетонски цунами. Од една чиста, зелена и урбана средина, Карпош го претвори во општина – монструм: со енормно загаден воздух; со зеленило кое што секојдневно исчезнуваше пред нашите очи и буквално е избришано со гумичка; место каде што градежната мафија им го узурпира правото на достоинствен живот на карпошани; каде што урбанистичките планови се кроени по мерка, ама не за карпошани, туку за приватни профити; место каде што три сантиметри асфалт се претставуваат како врвно градоначалничко достигнување, а не како дел од вообичаената секојдневна работа на првиот човек на една општина…“, изјави Богоев.
Стефан Богоев е претседател на Социјалдемократската младина и ја претставува новата генерација македонски политичари. Освен како еден од најактивните критичари на претходната власт од собраниската говорница, тој беше активен и на протестите на „Шарената револуција“. Тој е дипломиран економист, магистрант на применета економија, Универзитет Американ колеџ – Скопје.
НОГАЧЕСКИ: ИНСПЕКТОР СУМ АМА НЕ КАЗНУВАМ
Дипломираниот правник Зоран Ногачески е адутот на СДСМ за градоначалник на општина Дебарца. Вработен е како раководител на инспекциските служби во општината. Вели дека ако биде избран на функцијата ќе донесе живот за сите жители на општината. Признава дека како инспектор наместо да казнува тој се обидувал превентивно да делува врз прекршителите.
„Се работи за одделение во општината во кое поради ограничени ресурси сам јас сум таму како раководител. Единствено поради мојата вокација како дипломиран правник сум можел да го покривам делот на комуналната инспекција. Сум одел на одредени поплаки и пријави. Не сум изрекувал казнени мерки. Противник сум на тоа од едноставна причина, за да може ние да ги казнуваме луѓето треба прво да создадеме услови“
На обвинувањата дека злоупотребувал општински пари, Ногачески вели дека само два пати наплатил службени патувања од 850 денари, наспроти кандидатот на ВМРО-ДПМНЕ Игор Трајкоски кој како градоначалник потрошил 204.000 денари само на име на патни трошоци. Предлага сите пари што ги зеле да ги вратат и да ги донираат во хуманитарни цели. Иако сите во неговото семејство имаат австралиски пасош Ногачески вели дека никогаш нема да се иселат од Македонија.
„22 години сум во брак но не сум помислил да заминав во Австралија и да се иселам од Македонија. Тука живееле моите предци, моите родители. Сакам тука да живеат и моите синови а утре и моите внуци“
Ногачески и слободното време го поминува работно. Има овоштарник наследен од родителите а неделите му се резервирани за фудбалскиот клуб „Сатеска“ од Волино. Во таа смисла на жителите на Дебарца им порачува дека никогаш нема да чекорат сами, во стилот на химната на неговиот втор омилен клуб Ливерпул. Ветува во секое село чиста вода за пиење, систем за отпадни води како и Дебарца-општина без кал.
ТРАЈКОСКИ: ИМОТНАТА СОСТОЈБА НЕ МИ Е ПРОМЕНЕТА, НЕМАМ СТАНОВИ ВО СКОПЈЕ
Направив многу работи за општина Дебарца нешто што во претходните 16 години не беше направено, вели градоначалникот на општината Игор Трајкоски кој на овие локални избори се кандидираше по втор пат како кадар на ВМРО-ДПМНЕ. Затоа, како што вели тој очекува повторно да биде избран за прв човек на Дебарца.
„Она што го ветив во претходната програма 90 отсто е исполнето. Некои работи, дали од објективни или субјективни причини не можеле да се реализираат. Но се реализирале некои работи кои што не биле ветени во програмата но ете сме ги реализирале. Се’ тоа според потребите на граѓаните кои го гледаат тоа“
Трајкоски е горд на уредената патеката покрај Охридското езеро што како градоначалник ја направил во соработка со министерството за транспорт и врски.
Листата со имот што го поседува а го пријавил во Антикорупциската комисија е долг. Тврди дека не е вистина дека за четири години мандат усепал да купи два стана во Скопје.
„Во вакво период може се’ и сешто да се измисли. Доколку има такво нешто јас би го пријавил да биде јавно за сите. Немам такви промени во имотната состојба. Тоа е негативна црна кампања. Јас такво нешто немам“
Трајкоски е семеен човек а слободното време најчесто го поминува со сопругата и двете ќерки. Живее во Ботун и вели дека и да не победи на овие избори не размислува да се отсели од Македонија.
На својата прва градоначалничка функција доаѓа во 2002 година по минати два мандати како пратеник во Собранието од редовите на ВМРО-ДПМНЕ. На чело на општина Гази Баба останува до 2009 кога го добива мандатот за градоначалник на Скопје. Од законодавниот дом во локалната самоуправа влезе тивко, без говори за паметење и ретки се оние кои знаат дека Трајановски во политиката не почна како градоначалник.
Успешно се извлече од одговорноста за најголемиот дел од градбите од Скопје 2014 итро префрлајќи ги ингеренциите на општината Центар, но не се спаси целосно од етикетата „слуга“ на Никола Груевски за одредени проекти кои не му се припшуваа нему, ами на партискиот шеф: панорамско тркало, барокни фасади на зградите во Центар, палми и плажи на Кејот на Вардар, па дури и хациенди на падините на Водно.
Оние кои добро го познават велат дека тој „не е толку глупав човек“ и дека и еден од политичарите кои најдборо се носеле со „лудите идеи“ на Груевски. Неговиот глас беше еден од малккуте на истакнати членови на ВМРО-ДПМНЕ кој што не го чувме во „бомбите“ на опозицијата.
Кога станува збор за елементарната политичка култура, Трајановски остана со добри манири во однос на третманот кон новинарите коишто беа на црната листа на власта и не одбиваше да комуницира, ниту пак се служеше со зборите „предавници“ и „соросоиди“.
Татко на градот зацапан во отровна магла
Ако постои проблем којшто скопјани тешко му го простуваат, тоа е загадувањето на воздухот којшто за време на неговите два мандати успеа да го лансира Скопје на врвот на листата на најзагадени градови во Европа.
Градот Скопје одвои многу малку пари од градскиот буџет за мерки за намалување на загаденоста. Трајановски и министерството за животна средина постојано си ја префрлаа одговорноста кој треба да повлече нога за да се почне со мерки за намалување на загаденоста. Пар-непар никогаш не се воведе, субвенциониран превоз со градските автобуси имаше едвај една недела, од кои градоначалникот на Скопје, само два дена се возеше со автобус за да им даде пример на скопјани дека треба да користат јавен превоз.
Со дозвола на Трајановски се сечеа дрвја и се уништуваше парк-шумата Водно. Како градоначалник на Скопје, Трајановски реализираше неколку капитални инфраструктурни проекти што го олеснија движењето со возила низ главниот град, како на пример изградба на неколку кружни текови, проширување улици и булевари.
Во мандатот на Трајановски се склучи и матниот договор со Италијанската компанија „ФЦЛ Амбиенте“ за јавно приватно партнерство на депонијата Дрисла. Компанијата веќе со години работи, а нема завршено ниту една обврска од она што го има предвидено во договорот. Наместо модерна депонија по европски стандарди, скопјани заглавија со депонија која не исполнува ниту еден еколошки стандард. Ова е воедно и најголемата корупцика афера којашто го обележа неговиот мандат.
М.Н. Нема подземна сообраќајница
Еден од начините да се намали емисијата не штетни гасови кои излегуваат од возилата беше да се изгради подземна сообраќајница. До крајот на 2016 година, според ветувањата на Трајановски, Скопје требаше да има три подземни сообраќајници, но досега нема изградено ниту една.
Во интервју за порталот „Порта 3“, Трајановски рече дека неговиот втор градоначалнички мандат ќе го одбележи изградбата на подземната сообраќајница што ќе се протега од Комплексот банки до Мостот Гоце Делчев под кејот на реката Вардар.
„Според повикот, предмет на изградба ќе биде подземна сообраќајница од булеварот Кузман Јосифовски – Питу со раскрсницата со улицата Никола Карев до булеварот Кочо Рацин, од булеварот Кочо Рацин преку кејот 13 Ноември и раскрсницата со булеварот Илинден и булеварот ВМРО, и трасата на сообраќајниот коридор до булеварот Партизански одреди преку булеварот ВМРО и дел од булеварот Илинден. Подземната сообраќајница треба да биде долга 1.300 метри, од кои 900 метри се под земја, а 400 метри над земја. На овој капитален проект работиме веќе неколку години и тој ќе биде вистинска круна на сообраќајните решенија во Скопје“, изјави Трајановски во 2013 година.
М.Н. Недомаќинско расфрлање со градскиот буџет
Голем дел од жителите на Скопје пијат вода од старите и отровни азбестни цевки. Покриеноста на градот со атмосферска канализација е премала, но затоа во 2011 година јавното претпријатие „Водовод и канализација“ со амин од Советот на Град Скопје се задолжи седум милиони евра за да ја доврши изградбата на барокна зграда на кејот на Вардар.
Наместо тоа, советниците на СДСМ предложија да се продаде идната управна зграда на ЈП „Водовод и канализација бидејќи со каматна стапка од 8 проценти на годишно ниво ова јавно претпријатие за десет години ќе треба да врати вкупно 10 милиони евра.
Зградата е веќе изградена, а административците од „Водовод“ пред неколку месеци се вселија во зградата.
Десетици милиони евра потроши Градот Скопје од Буџетот за реконструкција на фасадите во центарот на градот. Речиси сите згради во централното градско подрачје добија барокно руво. Голем дел од новите фасади кои беа направени од стиропор почнаа да се одронуваат само неколку месеци откако беа поставени.
Смртоносно отстуво на канализација
Една од најцрните точки, по кои ќе остане обележан вториот мандат како градоначалник на Скопје е поплавата која се случи во април 2016 година, во која животот го загубија 20 лица.
Меѓу загинатите во Стајковци, каде што воопшто не беа исчистени каналите, ниту пак имаше атмосферска канализација имаше жени, деца и постари лица. Ниту Трајановски, ниту пак тогашниот градоначалник на Гази Баба, Тони Трајковски во чија општина влегува и Стајковци не преземаа одговорност за лицата кои животот го загубија во поплавата.
Трајановски ветува зелен и енергетски ефикасен град
Иако неговиот мандат го обележа токму непристојниот однос кон животната средина, Трајановски од скопјани ќе бара трет пат доверба со платорма за зелен и енергетски ефикасен град.
Во изборната програма за градот Скопје за периодот 2017-2021 Трајановски ветува над 200 проекти за Градот Скопје, за сите десет општини со прецизни рокови за реализација, опис и вредност, тука не се гледа ни политичка ни етничка припадност на граѓаните.
„Проекти за подигнување на нови парковски површини за зелено Скопје против загадувањето на воздухот, проширување на проектот ВелоСкопје со иновативни решенија преку изградба на нови велосипедски рути. Проекти за пренамена на фреквентни сообраќајници во пешачки зони во централното градско подрачје и мотивирање за поголема мобилност на граѓаните преку кампањата за „Денови без автомобили“, вели Трајановски.
Тој ветува дека големо внимание ќе посвети и на унапредувањето на јавниот превоз со подобри форми на употреба како електрични автобуси, безбеден за сите корисници и животната средина. Ветува и дополнителна изградба и проширување на булеварите.
„Скопје мора да дише воздух и затоа ветувам ќе направиме нови зелени површини и нови паркови од 500.000 метри квадратни. Приватните компании со автобуски превоз ќе бидат субвенционирани од Град Скопје за инсталирање на уреди со кои ќе се намали загадувањето на воздухот и ќе продолжиме со реконструкција на зеленилото покрај Кејот на Вардар, а ќе го реконструираме и комплетно вториот дел од Градскиот парк. Ќе субвенционираме набавка на нови 10.000 велосипеди за граѓаните на Скопје бидејќи поздраво и позелено Скопје е нашата определба“, ветува Трајановски.
ЈАНКОСКИ: МОЖЕВ ДА РАБОТАМ НА „СКОПЈЕ 2014“
Сашо Јанкоски е кандидатот на СДСМ кој на овие локални избори се бори за градоначалничката фотелја во Вевчани. Јанкоски е дипломиран машински инжењер вработен во приватна фирма како програмер. Експерт е за работа со CNC, машини.кои се користат за изработка на мозаици и скулптури.
„Кога работев во една приватна фирма прво што ни беше понудено беше понудено од проектот „Скопје 2014“ за изработка на релјефи бидејќи имавме CNC машина. Но ние тоа не го правевме но сопственикот на фирмата не се договори и тука работата застана. Инаку сме работеле на цркви како што е црквата Св. Богородица“
Роден е во Вевчани во 1972 година, Оженет е, татко на две деца. Претседател е на општинската организација на СДСМ од Вевчани. Претходно бил координатор на советничката група „Независни граѓани“ во советот на општината. Во 1987 година како средношколец активно учествувал во штрајкот со глад на вевчанската младина во битката со тогашната власт во познатиот „Вевчански случај“. Ова е втор пат Јанкоски да учествува во трката за градоначалник, откако првиот пат во 2013 година ги изгуби изборите од противкандидатот на ВМРО-ДПМНЕ Цветомир Угриноски. Се согласува со вевчанци дека општината е претворена во приватен чифлик на актуелниот градоначалник
„Вевчани е заробена општина и служи само за исполнување на желбите на мал круг околу градоначалникот и неговата фамилија. Сите проекти што се прват се прават за одредена бизнис групација тука“
Во април годинава за влакно ги избегнал крвавите настани во Собранието кога службено бил во посета на своите партиски колеги. Вели дека се кандидирал за градоначалник на Општина Вевчани затоа што има визија, програма, образование и знање, како да го врати назад, како што вели тој “вевчанскиот непокорен дух”. Отварањето на нови работни места, нови улици и инфраструктура, квалитетно образование и здравствена заштита ќе бидат неговите приоритети доколку победи на овие локални избори
ЈОВАНОСКИ: КАКО ПРИВРЗАНИК НА АНАРХО-КОМУНИЗМОТ ЌЕ СЕ ЗАЛАГАМ ЗА ЈАКНЕЊЕ НА МЕСНИТЕ ЗАЕДНИЦИ
Проф. д-р Јован Стојаноски е роден во Охрид, во 1970 година. Дипломирал на економскиот факултет во Скопје и е кандидат за градоначалник на Охрид од редовите на СДСМ. По професија е економист, но музиката и филозофијата се негова пасија.
Една од песните кои му се омилени и се и одраз на неговите ставови е „Нема повлекување, нема предавање“ на српската група „Белградски синдикат“. Како самодекларан анархо-комунист, порача дека комунизмот не треба да се меша со хаосот.
„Таа е една од моите омилени песни на бендот „Белградски синдикат“ кој изврши големо влијание врз мене. Тоа е една идеологија која што популарно кажано се залага за јакнење на месните заедници а граѓаните сами ќе си одлучуваат во својата средина што треба да прават. „Белградски синдикат“ се борци за права, крајно непоткупливи, крајно борбена група што јасно ги изразува своите мисли во правец на анархијата“
Стојаноски вели дека соочувањето и решавањето со проблемите ќе му биде полесно бидејќи веќе менаџирал со факултетот за туризам и угостителство во Охрид како негов продекан.
Јовановски не е сосема нов во политиката. На локалните избори во 2013 година беше носител на советничката листа, по што беше и координатор на советничката група на СДСМ во општинскиот совет.
„Знам како треба да се менаџира општината. Ги знам предностите, особено недостатоците во менаџирањето од страна на претходниот градоначалник. Често ја скенирав и општинската администрација и знам кои вработени имаат позитивни а кои негативни одлики. Тоа е мојот главен адут“, вели тој.
Приватно, Стојаноски е оженет, татко на две деца. Чита книги и обожава да гледа кошарка.
„Морам да сум искрен и да кажам дека навивам за Партизан бидејќи тоа е мојата најголема љубов од спортски аспект. „Вардар“ го почитувам за сето она што во последно го прави“, вели тој.
Во својата програма Стојаноски ветува дека ќе најде пари за изградба на квалитетна и функционална водоводна и канализациона мрежа и за гасификација на Охрид.
ТИЛЕВСКИ: ЗДРАВА ХРАНА ЗА ОСНОВЦИТЕ И СОРАБОТКА СО СДСМ
Д-р Митко Тилевски е роден 1962 година во Скопје. Завршил Медицински факултет и е специјалист-педијатар. Тој е поранешен пратеник во Собранието на Република Македонија, и доскорешен директор на болницата за ортопедија и трауматологија „Св.Еразмо Охридски“. Оженет е и татко е на две деца. Во политиката не е прв пат, тој помина и еден мандат како пратеник во републичкото Собрание. Сега од своите сограѓани во Охрид ќе го бара и првиот мандат во локалната самоуправа, на чело на неговиот роден град. Себеси се претставува чесен, а оваа перцепција ја аргументира и со отсуството на посериозен политички багаж. Ако победи, по Никола Бакрачески, ова ќе биде вториот градоначалник доктор во Охрид.
„Граѓаните ме знаат кој сум и што сум. Ги знаат и другите кандидати дали во непосреден контакт или на изборите. Тоа е најдобро мерило на кого ќе му го дадат гласот и дали ќе бидат задоволни од мојата досегашна активност или од другите кандидати. Затоа постојат изборите. Но неџависно од исходот јас ќе си останам истиот. Пак ќе им помагам на граѓаните. И како доктор и како граѓанин. “
Тилевски има амбициозна програма. Ветува паркови, реконструкции на улици, економски бум. Впрочем, како и најголемиот дел од кандидатите. Но едно ветување отскокнува од другите: Тилевски e eдинствениот градоначалник кој зборува за важноста од здравата исхрана во основните училишта. Ако победи, тврди дека на учениците ќе им овозмози бесплатна здрава храна за учениците од прво до петто одделние.
Тилевски се прикажува и како конструктивен. Ветува дека ако победи ќе соработува со власта на СДСМ оти тоа е најдобро за охриѓани.
„Ако ја добијам довербата на граѓаните јас ќе направам се’ што е во моја надлежност но ќе треба и соработка со централната власт сеедно која партија е на власт. Власта се менува. Можеби ќе има предвремени парламентарни избори“
Приватното време Тилевски го користи за едрење на езерото, а сака и да вози велосипед, па на охриѓани им ветува дека ќе се заложи за планински велосипедски патеки.
Непартиски кадри на непартиски места и крај на гласната музика и непроспиените летни ноќи на охриѓани, ветува независниот кандидат за градоначалник на Охрид Стевче Стевоски. Поднел многу кривични пријави против неговите претпоставени, а сега ги тужи и за мобинг. Со повеќедецениско работно искуство во полицијата, дипломираниот криминолог Стевоски вели дека секогаш се борел за правда, каква и да е таа правда.
„Во правда е тешко да се верува. Но покрај законската правда постои и божја правда. Повеќе се верува во божјата правда“
Доколку победи, Стевоски ќе ги разреши сите директори поставени од ВМРО ДПМНЕ и СДСМ и ќе побара истраги за нивната работа, за сите изминати 28 години од незавиноста на Македонија.
„Сметам дека граѓаните на Охрид, симпатизерите на СДСМ и ВМРО-
ДПМНЕ треба да сфатат дека само независен кандидат за градоначалник на Охрид и ВМРО-ДПМНЕ и СДСМ како опозиција во советот, може да гарантира дека градот ќе почне да функционира нормално. Досегашното функционирање на Охрид односно зависен градоначалник и зависен совет на општината ни создаваа само повеќе долгови“
Ветува дека начелото на законитост ќе биде негова основна водилка. Смета дека проблемот со колекторот во Охрид треба да го решава владата, а не општините Струга и Охрид. Приватно Стевоски е семеен човек кој одгледува живина, стока, зарзават.
„Нема неправење ништо. Јас живеам на село и имам обврски околу одгледувањето на живина, на стока. Имаме кози, крави, ниви, селски дворови. Одгледуваме патлиџан, пиперка. Се’ за здрав и нормален живот“
На охриѓани им ветува крај на непроспиените летни ноќи поради глсната музика и дека, како што вели тој, петлите од Велестово ќе се слушаат до Варош.
КОЦЕ ТРАЈАНОВСКИ
Обвинителките на Специјалното јавно обвинителство, Ленче Ристовска и Фатиме Фетаи сметаат дека треба да се укинат спогодбата и пресудата за Ѕвонко Костовски, обвинет во случајот „Пуч“. По завршувањето на денешната седница во Врховниот суд на која се разговарало за барањето за заштита на законитоста односно за укинување на пресудата за Костовски, обвинителките за медиумите изјавија дека не постои ниту дело шпионажа за кое Костовски е осуден, ниту пак во спогодбата и пресудата има некакви докази, освен она што Костовски го признал.
Од Врховниот суд се уште нема информација кога ќе биде донесена и објавена нивната одлука за Костовски.
Име: Коце Трајановски
Функција: легач
Времетрање: од почеток на ВМРО