Блокирање на границата секој ден од 10 до 12 часот од среда па натаму, како и едночасовно блокирање на Гевгелија. Вака одлучија таксистите доцна попладнево, откако надлежните го прекршија договорот и бегалците се пренесуваат само со воз. Својот револт утре ќе го искажат со едночасовен протест низ Гевгелија. Денеска тие кратко с е собрале на пругата за која велат дека ја чуваат 120 полицајци по 24 часа.
„Границата со Грција ќе ја блокираме секој ден од 10 до 12 часот, а после тоа ќе одиме во Гевгелија, ќе го блокираме и градот по еден час. Така ќе биде с е додека надлежните не ја вратат одлуката што ја донесоа пред три дена, возот да сообраќа навечер , а таксистите да ги превезуваат бегалците преку ден“изјави за НОВА Миле Ангелов претседател на здружението на таксистите на Гевгелија.
.jpg)
Околу 280 таксисти се незадоволни бидејќи Македонски железници го држи монополот со превоз на бегалците, на кои им наплаќа по 25 евра билет. Тие велат дека не им е јасно зошто се прави ова кога лиценцираните таксисти си ги плаќаат сите давачки кон државата редовно.
„Плаќаме по 75 денари од патник на општината за комунални услуги, од тие 1000 денари што ја заработуваме по тура за нафтата останува акциза за државата, плаќаме по 400 денари патарина која останува во државната каса. Таксистите плаќаат придонеси и се самовработуваат со што го намалуваат бројот на невработени, плаќаме и фирма за обезбедување“, велат за НОВА таксисти кои протестираат деновиве.
.jpg)
Тие прашуваат што допринесуваат Македонски железници, особено ако се знае дека се АД Друштво, а не државна компанија.
.jpg)
Бегалците често пати се жалат дека не добиваат фискална сметка од кондуктерите и дека билет им наплаќаат и на инвалидите и на бремените жени кои стојат или седат по подовите. Возивите се во очајна состојба, со искршени прозорци и седишта.
.jpg)
Како сето ова ќе се одрази на патниците и целокупниот сообраќај, ако се знае дека и од грчка страна има протести, а со тоа и на протокот на бегалци, останува да се види.