На денешното рочиште за 27 април се читаа и пораки меѓу Христијан Мицкоски, претседател на ВМРО ДПМНЕ и пратеникот Јохан Тарчулоски од 10 јануари годинава.
„Последното инфо од денес е повторно позитивно, дека утре и задутре ќе се решава. А имаат ли сите жалби поднесено?“, му пишува Мицкоски на Тарчуловски.
„Да, сè е комплетно. За сите 36“, му одговара тој.
На 16 јануари 2018 година Тарчуловски му кажува на Христијан Мицкоски дека оди во Обвинителство да даде изјава.
Тарчуловски на 26 декември му пишува на Мицкоски: “Не би било фер, ни корекно да се враќаме во Собрание без да ги пуштат затворените луѓе. Ќе биде контра ефект. Ќе почнат поголеми напади и плукања по нас. На тие луѓе внатре ние сме им последна шанса. Би требало да се направи поголем притисок за да се издејствува слобода. Сите го очекуваат тоа од нас“.
Мицкоски му враќа: „Јохан не знам како ти е пренесено, но работиме на тоа“, на што Тарчуловски одговара: „Тогаш се е ок. Важно да не се попушти пред ослободување на луѓето“.
Тарчуловски пишува: „Имаше ли нешто ново. Ќе остане ли на зборот“, а Мицкоски „Јохан, ние го направивме нашето, сега до него е. Му пишав денес ми врати позитивен одговор“. На тоа Јохан пишува „Ајде со Господ, ќе биде. Како се снаоѓаш, ќе биде добро. Реално добро поминуваш кај луѓето. Само да се издигнеме од мртвилово“.
Пораки од 29.11. 2017 година.
Сашо Василевски во вибер група на пратеници од ВМРО-ДПМНЕ кажува дека ќе оди на распит во Обвинителството и пишува: „Само Ѓорге може ова да го реши“.
Пораки во вибер група.
Василевски: „Би сакал да го поздравите една група кај него нашиот претседател Ѓорге“.
„Јас ќе одам на распит, вие организирајте се“.
Антонијо: „Не рекле џабе старине: неосуден арамија З.З., посилен од кадија!“.