Владимир Машков, познат руски актер, на светската јавност познат и по неговата улога во филмот “Невозможна мисија” настапи на големиот митинг кој го организираше Владимир Путин во Москва во знак на подршка на руските сили ангажирани во инвазијата на Украина.
Од говорницата изрази поддршка за руската армија и Путин.
– Ние сме за свет без нацизам – рече Машков на митингот.
Ден потоа на СИ ЕН ЕН јавно истапи неговата ќерка Мариа Машкова, исто така актерка која живее шест години во САД и има две ќерки со нејзиниот сопруг Украинец.
– Не можам да зборувам за татко ми кој е навистина едн од најголемите живи актери на светот зошто мисли така и ја подржува војната. Можам да зборувам за себе. Имав привилегија да патувам низ светот. Работев во Русија, работев во Украина. Во Киев запознав многу добри колеги и пријатели. Никој од нив никогаш не ми забележал или ме мразел затоа што сум Русинка, изјави Машкова.
За односите со нејзиниот татко таа рече дека го сака многу и дека му кажала дека ќе истапи јавно да го каже ова прашувајќи го дали може да ја пренесе неговата реакција.
– Тој ми одобри и ми рече да се вратам во Русија и да побарам извинување на предавство и да им помогнам на моите Руси во нивната борба против нацизмот. Ја сакам и мојата баба со која пораснав но и таа на оваа војна гледа низ призмата на Путин, истакна Машкова.
Маша во нејзиниот настап на СИ ЕН ЕН видно емоционално вознемирена рече дека сочувствува со нејзините пријатели во Киев.
– За време на пандемијата речиси две години на мојата ќерка онлајн курс по танцување и држеше Тања од Киев. Двете многу се зближија. Сега мојата ќерка постојано бара да се слуша на телефон со Тања и е многу возмнемирена од она што се случува. Ова ќе остави силни траги на мојата ќерка, рече Маша.