Таткото на Салман Абедин, 22 годишникот кој британската полиција го идентификува како напаѓач во Манчестер негирал дека неговиот син е поврзан со екстремистите и со самоубиствениот напад каде заде загинаа 22 луѓе.
Рамадан Абедин изјавил дека пред пет дена се слушнал со синот кога тој најавил дека ќе се врати во Саудиска Арабија за Рамазанскиот пост.
„Ние не веруваме во убивање на недолжни луѓе. Ние не сме такви“, изјавил Рамадан Абедин во телефонски разговор за агенцијата АП.
Тој кажал дека неговиот постар син е уапсен вчера во Британија. Рамадан избегал од Триполи во 1993 година кога безбедносните сили на Муамер Гадафи издале налог за негово апсење и побарал политички азил во Британија. Сега работи како административен шеф на централните безбедносни сили во Триполи.
Салман Абедин е идентификуван како извршител на самоубиствениот напад за концертот во Манчестер. Медиумите денес објавија фотографии од 23 годишниот Абеди, за кој британската премиерка Тереза Меј потврди дека е роден и израснал во Велика Британија.
Абеди е од Манчестер, а неговите родители се со либиско потекло. Од претходно им бил познат на британските власти.
Неговите родители емигрирале од Либија во Лондон, а потоа се преселиле во јужното предградие Манчестер, каде што живееле најмалку 10 години.
Иследниците испитуваат дали Абеди патувал во Либија и дали бил во контакт со Исламска држава, според американски владини извори.
Британската министерка за полиција Амбер Руд рече дека Абеди најверојатно не дејствувал сам.
Францускиот министер за внатрешни работи Жерар Коломб рече дека се верува дека бомбашот-самоубиец што го изврши нападот во Манчестер престојувал во Сирија и има „потврдени“ врски со екстремистичката организација Исламска држава.
Коломб, кој разговараше со британската премиерка Тереза Меј по нападот на концертот на американската пејачка Ариана Гранде во Манчестер, рече дека двете земји треба да продолжат со својата тесна соработка во борбата против тероризмот и покрај тоа што Обединетото Кралство заминува од Европската Унија.