Таткото на Едвард Сноуден денеска пристигна во Москва каде што за прв пат ќе го посети својот син откако тој ги напушти САД.
„Сум немал директен контакт со мојот син и покрај претходните такви наводи, и затоа навистина немам идеја кои се неговите намери“, изјави постариот Сноуден, пренесуваат светските медиуми.
Веќе познато е дека Едвард Сноуден собирал информации од програмите за шпионирање на Националната агенција за безбедност. Некои од информациите тој ги пренесе до медиумите.
Очекувајќи правни последици, тој првично побегна во Хонг Конг, но брзо замина за Москва на 23 јуни. Сноуден беше задржан на аеродромот во Москва повеќе од пет недели.
Американските власти го обвинија Сноуден за шпионажа и кражба на владини предмети.
Тој од Русија доби азил на 1 август и го напушти аеродромот.
Неговиот татко изјави загриженост околу фер судење во САД, и затоа не сака неговиот син да се врати во државата.
„Не сум сигурен дека син ми ќе се врати во САД. Тоа е негова одлука, тој е ворасен“, потенцираше неговиот татко.
Тој им се заблагодари на Русите за безбедноста и слободата на неговиот син и изрази надеж дека ситуацијата ќе се одвива во тој правец.