Таткото на Едвард Сноуден, поранешниот одбранбен контрактор обвинет за откривање на детали за тајни американски надзор програми, е загрижен дека неодамнешното здружување на неговиот син со групата Викиликс се користи од страна на неговиот основач Џулијан Асанж, за да се подигне јавниот профил на организацијата за прибирање на финансиски средства, пишува USA Today.
Адвокатoт Брус Фејн, кој го претставува Лони Сноуден, во петокот рече дека таткото на Сноуден е загрижен дека правниот советник и патните трошоци предвидени од страна на Викиликс се дел од планот да се “чува (Едвард Сноуден) од правење на вистинската работа”- со враќањето во САД да се соочи со обвиненијата за шпионажа поднесени против него. “Тие го користат него за да соберат пари”, вели Фејн во интервју за USA Today.
Асанж и Викиликс претставниците признаа дека ги финансираат напорите Сноуден да побара азил како и неговите меѓународни патувања, за да се избегне апсење од страна на американската влада.
30-годишниот бегалец се уште може да биде во Москва, во транзитниот простор на аеродромот по бегството од Хонг Конг во неделата додека американските власти побараа негова екстрадиција.
Рускиот претседател Владимир Путин изјави дека нема да го екстрадира Сноуден во САД, но исто така не е дозволено Сноуден да го напушти транзитниот простор на аеродромот. Еквадор го разгледува барањето од Сноуден за политички азил.