Телма денеска во Белград нема свој известувач. Едноставно, по којзнае кој пат, од Владата не бевме известени за овој настан. И тоа не е практика на Владата, туку на целиот македонски државен врв – значи, освен владата, и претседателот на државата, и претседателот на Собранието, на своите патувања во странство водат новинари по свој избор, регираат од телевизијата.
– Сеедно што станува збор за средства од даночните обврзници, Телма никогаш не побарала нејизините новинари да патуваат на државна сметка и на тој начин по малку да се чувствуваат како багаж на државните делегации.
– Повеќе пати сме барале писмено и ќе продолжиме да бараме само едно: навреме да бидеме известувани за таквите патувања, а наше право секогаш ќе биде дали ќе испратиме известувач. Се разбира, на наша сметка.
– Вака, од една страна се создава нелојална конкуренција, а од друга страна на Телевизија Телма и` се ограничува правото да известува од значајни настани. Заради ваквиот однос на македонскиот државен врв, и денеска сме принудени да користиме агенциски извештаи и снимки од белградските медиуми, објавува Телма телевизија.