Погребната поворка која ги следеше посмртните останки на Нелсон Мандела стигна во седиштето на владата во Преторија, а поворката по улиците ја сочинуваа илјадници луѓе кои сакаа да му одадат последна почит на херојот во борбата против апархеидот.
Од пладне, граѓаните ќе можат да поминат покрај телото кое ќе биде изложено во комплексот Унион Билдинг, каде што Мандела беше инаугуриран за претседател 1994 година, и да му се поклонат на светскиот борец за мир и помирување, а тоа ќе продолжи и во четврток и петок.
Во сабота телотот на Мандела ќе биде префрлено во неговото родно место, 700 километри од Јоханезбург, каде ќе биде закопан во недела.
Мандела почина во четвртокот на 95 годинишна возраст. Вчера беше одржана свечена комеморација на стадионот во Јоханезбург на која присуствуваа бројни државни челници од целиот свет.