Тензична атмосфера пред општина Центар. Демонстрантите се обидоа да влезат насилно во просториите на Општината, но полицијата ги спречи. Во дворот на Општината има 20-тина демонстранти кои извикуваат: „Жерновски – комунист! Жерновски – антихрист! Бараме оставка!“
Некои успеале да влезат и во просториите каде Советот на Општина Центар ги одржува седниците.
Како што информира репотерот на НОВА, полицијата интервенира во одредени моменти кога тензиите се зголемуваат. Дел од демонстрантите својот револт го истураат врз новинарските екипи.
>>Г. Агатангел: Жерновски сака да урива црква – лошо ќе помине
Се очекува градоначалникот Жерновски да се обрати пред насобраните граѓани, информираат од општината.
Инаку за денеска закажаната седница на општина Центар, која требаше да стартува во 13 часот, се уште не е започната.
Невладината „Веритас“ го обвини градоначалникот Жерновски дека со измените на ДУП-от со кој се предвидува враќање на зелените површини Општината ќе започне со уривање на црквата Св.Констатин и Елена.
Сепак од општината информираат дека тоа не е точно, бидејќи како што изјави претседателот на Советот на Општина Центар Мирослав Шиповиќ во предлог- одлуката за укинување на ДУП-от, воопшто не подлежи на укинување на објекти кои се во градба и за кои е издадена документација.