Во два бомбашки напади на еден пазар и автобуска станица во нигерискиот град Џос, загинаа најмалку 118 луѓе. Се проценува дека бројот на жртвите ќе се зголемува.
Координаторот на Националната агенција за вонредни ситуации, Мохамед Абдулсалам, изјавил за агенцијата АФП дека по силната детонација се срушиле и неколку околни згради и се стравува оти под урнатините има уште тела.
Првата експлозија била сместена во камион и била активирана околу 15 часот по локално време, а дваесет минути подоцна одекнала уште една експлозија.
Втората бомба била активирана во моментите кога спасувачите пристигнале на местото на настанот по експлодирањето на првата бомба.
Постои сомнеж дека зад нападите стои екстремистичката група Боко Харам, која е одговорна за повеќе бомбашки напади во Нигерија изминативе години