Тестовите за коронавирус на двајцата лидери на партиите Зоран Заев и Христијан Мицковски се направени на средина на инкубациониот период од 14 дена и тие се негативни. Министерот за здравство Венко Филипче и епидемиолозите сметаат дека и доколку се јават симптоми кај некој од нив во наредните денови на самоизолација, тоа не претставува опасност за сите кои што конатктирале со нив и тие нема потреба да одат во самоизолација.
Министерот за здравство Венко Филипче, на денешната прес конферениција одговарајќи на прашање на НОВА, дали тестот во овој период може да биде лажно негативен или лажно позитивен, како што се тврдеше досега генерално за сите случаи, одговори дека и да се случи тоа, нема опасност по луѓето кои контактирале со нив, а тестирањето е направено за да се заштитат новинарите и сите лица од партиите, како и претставници на Владата со кои тие имале контакти.
„Заев согласно препораките ке биде во самоизолација во времетраење од седум дена, со оглед на тоа што периодот на инкубација е 14 дена, а тој имаше средба со новинарот и уредник на Канал 5, Гоце Михајлоски, пред една недела. Со оглед на тоа нема потреба од самоизолација на лицата со кои имал контакти“, рече министерот Филипче.
Тој потенцира дека Заев и Мицковски се тестирани за брзо време, не заради тоа што се политичари дека имаат приоритет, туку заради многуте контакти што ги имаат постојано со функционери од Владата, новинари и во институциите каде што настапуваат.
Утрово, Филипче објави дека негативен на тестот е и лидерот на ВМРО-ДПМНЕ, Христијан Мицкоски, кој исто така гостуваше на Канал 5.
Четворица новинари од телевизијата Канал 5 исто така, ќе бидат во самоизолација во период од 14 дена.
Прв случај на заболен е регистриран и во АХВ, Агенцијата за храна и ветеринарство.
„Во Агенцијата за храна и ветеринарство заболена е вработена која цела недела не доаѓала на работа заради распоредот со ротација и таму 7 вработени се ставени во самоизолација кои имале контакти со жената“ , изјави Филипче.
На Инфективната клиника, додаде Филипче, се примени уште двајца пациенти. Вкупната бројка изнесува 66. Осум пациенти се на механичка вентилација со тешка форма на болеста. Четиримесечното бебе од Кочани кое е најмладиот пациент со коронавирус е во добра состојба и за него се грижат педијатри на Клиниката за инфективни болести.
Во болницата „8 Септември“ примени се уште осум пациенти, вкупниот број е 21, од кои шест се на респираторна машина, во тешка состојба.
Во болницата во Битола хоспитализирани се четири пациенти, сите се стабилни, во добра здравствена состојба. Во Штип згрижени се уште четири пациенти. Вкупниот број изнесува осум – сите се со лесна форма на манифестација на болеста.
Министерот одговарајќи на новинарско прашање и овој пат нагласи дека смрттноста на респираторни машини е високи 98 проценти, така што во тие случаи не делуваат ниту терапија, нити апарат за дишење.
Во затворот во Шуто Оризари каде што почина протвореник на кого постмортем му е констатиран коронавирус, денеска и во текот на викендот ќе се вршат клинички прегледи, тестирања и се прави епидемилошка анкета. Веќе 30 луѓе се тестирани, вклучувајќи и дел од вработените.
Филипче најави дека од почетокот на следната недела започнува полека да се враќа животот во стопанството, да се отвораат рестораните и институциите, луѓето постепено да се враќаат на работните места. НОВА, праша како во време кога се најавува пикот на вирусот се планира нешто што ќе ги зголеми контактите, министерот со одговор:
„Ние подготвуваме терен, разговараме како да се организира тоа враќање кое би било некаде во средината на мај, како да се направи тоа внимателно за да не се појави уште еден, нов пик на коронавирус“, изјави министерот Филипче.
Тој рече дека оваа состојба нема да трае вечно, линеарно е зголемувањето на борој на заболени и дека постојано се следи состојбата. И токму рестрикциите, ограничувањето на движењето ќе го спречат ширењето на вирусот од асимптоматските случаи.