Тетовецот Амир Абдули го полирал и поспремил трофејот за финалната утакмица на Светското Првенство во фудбал
Со договор од страна на ФИФА, швајцарската фирма СИЛБАГ АГ од Луцерн, специјализирана за чистење на златото и металите, го ангажираше Амир Абдули, кој имаше задача да го полира и поспремува пехарот на Светскиот Куп, за финалниот натпревар во фудбал помеѓу Германија и Аргентина.
Надлежните од оваа швајцарска фирма оваа работа му ја довериле на Амир Абдули од село Пршовце – Тетово, кој е вработен во оваа фирма.
-Горди сме за Амир, кој како жител на с.Пршовце доби задача од работодавецот да го полира и поспремува пехарот на Светското првенство во фудбал.
Екслузивно за нашата страница тој ни ја прати и фотографијата со вредниот трофеј – пишува на Фејсбук страницата Першефца.инфо,инаку службена страница за активностите во оваа тетовско село.
Светското првенство во Фудбал Бразил 2014 ќе остане запаметен во Полошкиот Регион и со тројцата фудбалери кои потекнуваат од тетовско и гостиварско,кои играа за Репрезентацијата на Швајцарија (Адмир Мехмеди и Блерим Џемаили) и репрезентацијата на Германија (Шкодран Мустафи).