По успешната промоција на книгата собрани драми од Срѓан Јаниќијевиќ „Купидона и други драми“ во МНТ, Скопје, издавачката куќа “Блесок” ќе ја претстави книгата и во рамките на театарскиот фестивал „Војдан Чернодрински“ во Прилеп. Промоцијата ќе се одржи во Домот на културата на 11 јуни (среда) во 12 часот.
Петте драми објавени во книгата се напишани и изведени во периодот 2005-2013. Веднаш по промоцијата, книгата ќе биде објавена и во електронски формат.
Книгата „Купидона и други драми“ од Срѓан Јаниќијевиќ е објавена во рамките на престижната едиција за драмски текстови „Гестус“; оваа книга, како и претходните две, од Слободан Шнајдер и Биљана Србљановиќ, ја приреди проф. д-р. Јелена Лужина.
Освен во печатен, книгата е објавена и во електронски формат и е достапна за преземање од е-книжарницата на Блесок: www.blesok-shop.mk