Членот на рускиот панк бенд Пуси рајот ги повика странските земји да ги бојкотираат Зимските олимписки игри во Сочи во февруари, неколку часа откако таа беше ослободена од затвор, јавува Би-Би-Си.
Надежда Толокникова го отфрли Законот за амнестија со кој е ослободена денеска, велејќи дека тоа е “козметичка мерка”.
Таа и колешката од бендот Марија Аљокина, кој исто така беше ослободена, соопшти дека за затворскиот систем се потребни пошироки реформи и вети дека ќе продолжи со анти-владината акција.
Тие беа затворени во 2012 година, по пеење протеснат песна во катедрала во Москва.
Чинот беше виден како богохулен од страна на многу Руси и беше осуден од страна на Православната Црква.
Но нивното обвинение за “хулиганство мотивирано од верска омраза” беше критикувано од страна на групите за човекови права, анти-владините активисти и странски политичари.
Амнестијата усвоена минатата недела имаше за цел да се ослободи околу 20.000 затвореници.
Во одделен потег, претседателот Владимир Путин го помилува и поранешниот нафтен магнат Михаил Ходорковски, кој некогаш беше најбогат човек во Русија, од хуманитарни причини.