Актерот Тони Михајловски е нов уметнички директор на Македонскиот народен театар (МНТ).
Тој на оваа функција го заменува Дејан Пројковски. Михајловски работи во МНТ од 1994 година, а ова е негова прва висока раководна функција.
Тони Михајловски е дел од Граѓанското движење за одбрана на Македонија, кое ја поддржуваше власта во текот објавувањето на прислушуваните разговори кои ги објавуваше опозицијата.
Во неговото портфолио влегуваат улоги во некои од најпознатите филмови на овие простори, а помеѓу нив „Панкот не е мртов“, „До балчак“, „Парада“, „Трето полувреме“ и други.