Најмалку 44 патници загинале во јужниот дел на Индија, откако се запалил автобусот кој ги превезувал. Во автобусот се возеле и деца, пренесуваат светските агенции.
– Трагедијата се случила кога автобусот удрил во централната ограда на автопатот помеѓу градовите Бангалор и Хидердад, што довело до пробивање на резервоарот за гориво, изјавил портпаролот на локалната полицијата, пренесува агенцијата АФП.
Од вкупно 49 луѓе во автобусот, петмина од нив, вклучувајќи ги и возачот и чистачот на автобусот, ги разбиле прозорците и побегнале пред оганот да го зафати целиот автобус.
Возачот и чистачот се обиделе да побегнат од местото на несреќата, но полицијата ги фатила и притворила.
Преостанатите тројца преживеани се во болница.
Лошата инфраструктура, неприлагодената брзина и уште неколку фактори придонеле во загинувањето на околу 140 000 луѓе во сообраќајни несреќи во Индија во 2012 година.