Градоначалникот на Град Скопје, Коце Трајановски, изјави дека не е надлежен за тоа дали ќе има нови споменици, по тврдењата на градоначалникот на Центар, Андреј Жерновски, кој рече дека повеќе нема да се поставуваат споменици на територијата за која е надлежен.
За него одлуката одржувањето и чувањето на спомениците од проектот Скопје 2014 да се префрли на Град Скопје не е политичка одлука, и рече дека се работи за добра и природна одлука градот да ги одржува спомениците.
>> Жерновски: Mи се потврдија сомнежите за„Скопје 2014“
Според протоколот, денеска градоначалникот Трајановски, раководните лица на јавните претпријатија, општинската администрација и месните одржаа состанок со Жерновски.
Како што изјави градоначалникот Коце Трајановски како приоритет по овие средби се зема реализација се’ она што е значајно и е во интерес на граѓаните.
Благодарение на ваквите средби, рече Трајановски, реализирани се многу проекти. Трајановски ги посочи реконструкциите на неколку булевари во Општина Центар и нагласи дека од ова имаат полза сите граѓани и затоа ќе се продолжи со активностите во Општина Центар.
Трајановски најави дека до крајот на годинава ќе почне реализацијата на значајната подземна сообраќајница од владата на Република Македонија до комплексот банки.