Новоизбраниот претседател на САД, Доналд Трамп вели време е земјата да “тргне напред“ и најави состанок со шефовите на разузнавачките служби, откако администрацијата на Обама избрка 35 руски оперативци од САД.
– Време е нашата земја да продолжи напред кон подобри и поголеми работи. Во наш интерес е и во интерес на народот да се сретнам со раководните луѓе на разузнавачките служби за детално да се запознаам со ситуацијата, изјави Трамп.
Администрацијата на Обама одлучи да ги протера руските разузнавачи, тврдејќи дека имаат докази дека извршиле сајбер-напади врз Демократскиот национален комитет (ДНК) и други политички организации.
Москва од друга страна во првичната реакција ги отфрли обвиненијата и рече дека ќе одговори адекватно на санкциите на Вашингтон.