Вчера била направена јубилејната педесетта трансплантација на соопштија од Клиниката за урологија – татко е дарител на бубрег за својата ќерка.
Во 2012 година биле направени 23 бубрежни трансплантации од жив дарител, а во 2013, до сега се направени нови 27 трансплантации, со што во средата била направена јубилејната 50-та трансплантација од жив дарител на Клиниката за урологија.
Во тимот за трансплантација се д-р Сашо Дохчев како шеф на одделот за трансплантација, д-р Оливер Станков, д-р Сотир Ставридис, д-р Скендер Саиди и директорот Прим. д-р Михаил Пенев. Во тимот учествува и васкуларен хирург д-р. Александар Јосифов како и колегите од Клиниката за нефрологија, Анестезиологија како и одделението за ХЛА типизација и РТГ институт.
На овој начин со проекција од преку 40 трансплантации за оваа година, Македонија би била рангирана меѓу земјите со најголем број на трансплантации од жив дарител на милион жители.