Работата на новиот државен секретар на САД, Рекс Тилерсон, тукушто стана значително потешка откако целиот тим на првите луѓе во професионалната администрација на Стејт Департментот денеска си поднесоа оставки, пренесува весникот „Вашингтон Пост“.
Талерсон бил присутен во зградата на Стејт Департментот или еквивалентот на министерство за надворешни работи кога четворицата водечи менаџери во администрацијата ги поднеле своите оставки.
Оставки си поднесоа Патрик Кенеди, државен потсекретар за менаџмент во Стејт департментот и еден од најважните луѓе во оваа институција кои ја познаат целата работа во позадината, асистент државниот секретар за администрација Ен Бар, асистент државниот секретар за конзуларни работи Мишел Бонд и амбасадорот Гентри Смит, директор на Канцеларијата за надворешни мисии. Сите четворица служеа долги години во администрацијата и за демократите и за републиканците.
„Вашингтон Пост“ пишува дека токмј овие позиции на професионалната администрација се клучни за функциионирањето на институциите, а овиие луѓе се тешко заменливи бидејќи ваков кадар се обучува долго време.