Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Централниот совет на Евреите во Германија го обвини климатското движење на Грета Тунберг за „демонизирање на Израел“ и поддршка на Хамас

0
By Marta Pesevska on October 29, 2023 ВЕСТИ, СВЕТ
СПОДЕЛИ
Facebook Twitter LinkedIn Email

Тврдењето на движењето „Петоците за иднината“ дека масакрот на 7 октомври на Хамас бил „вкоренет во етничко чистење на Палестинците“, Централниот совет на Евреите во Германија го оквалификува како „сурово искривување на историјата“.

Движењето што го започна климатската активистка, Грета Тунберг е обвинето за „демонизација на Израел“, откако тврдеше дека западните влади им ги измиле мозоците на граѓаните за да ја поддржат земјата, пренесува британски Телеграф.

Јозеф Шустер, шеф на Централниот совет на Евреите во Германија, го обвини движењето „ Петоците за иднината“ за ширење на теории на заговор, откако тој ја повика германската гранка да ги прекине врските со поширокото меѓународно движење.

Движењето претходно тврдеше дека западните медиуми биле „финансирани од империјалистичките влади кои стојат со Израел“.

Исто така, во пост на социјалните медиуми во средата, движењето му даде поддршка на Хамас тврдејќи дека масакрот на Хамас на 7 октомври е „вкоренет во изминатите 75 години угнетување и етничко чистење на Палестинците“.

Шустер рече дека ова е „сурово искривување на историјата, демонизација на Израел и исто така идеологија на заговор“.

Тој во интервју за германскиот весник Билд се обрати до „Петоците за иднината – Германија“, која организира студентски штрајкови, да разгледа „вистинска разделување, промена на името и прекинување на сите контакти“ со движењето,.

„Петоците за иднината – Германија“ веќе се обиде да се раздели со анти-израелските објави на социјалните медиуми на шведското движење.

На својата Икс сметка објави дека: првичниот пост го сподели „меѓународна сметка“ што „не зборува за нас“.

По масакрот на 1.400 Израелци од терористите на Хамас, Тунберг позираше на фотографии подоцна објавени на социјалните медиуми, држејќи транспарент „Правда за Палестина“.

Во друга слика на нејзината сметка на Икс, 20-годишната Швеѓанка може да се види како држи рачно напишан транспарент „застани со Газа“.

Таа, исто така, се соочи со критики за позирање со плишан син октопод, што е симбол поврзан со антисемитски теми во политичките карикатури од почетокот на 20 век.

 

„Светот треба да зборува и да повика на непосреден прекин на огнот, правда и слобода за Палестинците и сите цивили погодени“, напиша Тунберг на социјалните медиуми.

Таа ја избриша објавата на која се наоѓа октоподот по осудата на нејзината активност на социјалните мрежи. Но, таа подоцна објави скоро идентична слика со истите четири лица кои ги држат истите знаци.

„Дознав дека полненото животно прикажано во мојот претходен пост може да се толкува како симбол за антисемитизам, за што бев целосно несвесна. Играчката на сликата е алатка што често ја користат луѓето со аутизам како начин за комуникација на чувствата “, напиша таа.

Во Германија, делувањето на владата во земјата честопати се опишува како заштита на Израел од историски причини поврзани со холокаустот.

Весникот „Таз Дејли“ соопшти дека германското крило на „Петоците за иднината“ мора „да се запраша дали навистина може да покаже солидарност со Евреите како резултат на движењето што е постојано видливо со неговиот антисемитизам“.

Израел најави дека ќе ги отстрани сите референци на Грета Тунберг од наставната програма во училиштата, откако шведскиот активист за клима изрази поддршка за Газа.

Израелското Министерство за образование соопшти дека Тунберг се дисквалификувала од „да се биде модел на едукативна улога“, откако таа беше фотографирана минатата недела, држејќи знак во кој се вели „Стои со Газа“.

„Хамас е терористичка организација одговорна за убиство на 1.400 невини Израелци, вклучувајќи деца, жени и стари лица, и киднапираше над 200 луѓе во Газа“, рече министерството.

„Овој став ја дисквалификува да биде модел на едукативна и морална улога и таа веќе не е квалификувана да служи како инспирација и едукатор за израелските студенти“.

Нејзините забелешки предизвикаа брза реакција од израелските активисти за климата, кои ја обвинија  Тунберг за оштетување на нивното движење.

Во отворено писмо до Тунберг објавено во текот на викендот, повеќе од 100 израелски активисти рекоа дека се „длабоко повредени, шокирани и разочарани“ од нејзиното „застрашувачки еднострано, лошо информирано, површно“ разбирање на конфликтот.

Рони Бруел, основачката на израелскиот форум на жени во околината, во писмото го зачуди фактот дека нејзиниот став за Израел доаѓа во „целосен контраст со вашата способност да се нурне во детали и да стигне до дното на сложените проблеми“.

Во очигледен одговор на негодувањето, во саботата Тунберг проба да го осуди нападот на Хамас.

„Оѕиде без да секаже – или така мислев – дека сум против ужасните напади на Хамас“, рече таа.

Контроверзијата се случи откако движењето „ Петоците за иднината“, започнато од училишните штрајкови на Тунберг во 2018 година, беше критикувано на почетокот на оваа година кога неговата официјална сметка на Твитер повика на крај на „Апартхејдот“ на Израел, велејќи „Јала Интифада!“

„Ние како „ Петоците за иднината“, како антиколонијално, интернационалистичко движење за климатска правда, стоиме обединети на страната на Палестинците и палестинскиот отпор против овие нехумани злосторства“, соопшти движењето.

Драган Мишев

Извор: ЦИВИЛ Медиа

Грета Тунберг Израел Хамас
Share. Facebook Twitter LinkedIn Email
ТИКЕР

Меркел: Дали Путин ќе ја нападнеше Украина ако не се случеше пандемијата?

October 6, 2025

Се преврте чамец со 11луѓе во Дунав кај Бачка Паланка, има настрадани

October 6, 2025

Довербата во германската владина коалиција падна на рекордно ниско ниво

October 5, 2025

Турските власти го забранија концертот на Роби Вилијамс во Истанбул поради безбедносни причини

October 5, 2025

„Златна треска“ во приморкса Бугарија по веста дека поплавата однела сеф со милиони лева и со и златни прачки

October 5, 2025
ФОКУС

По само нецел месец францускиот премиер Себастијан Лекорну поднесе оставка

ВЕСТИ October 6, 2025

Новиот француски премиер Себастијан Лекорну поднесе оставка, објави денеска Елисејската палата, пренесе ДПА.

Израел и Хамас почнуваат преговори во Египет за мировниот план на Трамп за Газа

October 6, 2025

Кијив: Во руските напади врз Запорожје едно лице загина и девет други се повредени

October 5, 2025

Родителите од Кочани до мицкоски: треба да се засрамиш, а не да одиш со крената глава

October 4, 2025
ТИКЕР

Меркел: Дали Путин ќе ја нападнеше Украина ако не се случеше пандемијата?

October 6, 2025

Се преврте чамец со 11луѓе во Дунав кај Бачка Паланка, има настрадани

October 6, 2025

Довербата во германската владина коалиција падна на рекордно ниско ниво

October 5, 2025

Турските власти го забранија концертот на Роби Вилијамс во Истанбул поради безбедносни причини

October 5, 2025

„Златна треска“ во приморкса Бугарија по веста дека поплавата однела сеф со милиони лева и со и златни прачки

October 5, 2025
CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.