Извлечена е црната кутија од остатоците на беспилотното летало, кое се урна во четвртокот и предизвика експлозија во Загреб. Таа е делумно оштетена делумно оштетено, изјави Владо Ковачевиќ, началник на Одделот за воена полиција на хрватските вооружени сили.
Ковачевиќ за Дневник на ХРТ изјави дека некои од фрагментите укажуваат на можноста авионот да носел експлозивна направа. Тој додаде дека дел од податоците ќе се добијат со вештачење.
„Можеме да претпоставиме дека авионот носел експлозивна направа, еден дел од фрагментите укажуваат на тоа, но сето тоа ќе го видиме“, рече Ковачевиќ.
Тој додаде дека кога леталото е за шпионски или разузнавачки цели, не се користат експлозиви, па, како што наведе, големиот дрон очигледно имал друга намена.
Ковачевиќ рече дека военото воздухопловство ќе ја чита кутијата, а ќе бидат вклучени и експерти од Машинскиот факултет и научници, а не е исклучена соработката со земјите партнери кои имаат искуство во тоа.