НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025

Subscribe to Updates

Get the latest creative news from FooBar about art, design and business.

НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Турција го блокираше „Грок“, четбот на платформата Икс, поради навреди кон Ердоган

0
By Marija Todorovska on July 9, 2025 ТИКЕР
СПОДЕЛИ
Facebook Twitter LinkedIn Email

Анкара:  Турски суд донесе одлука за блокирање на пристапот до вештачкиот интелектуален асистент „Грок“, развиен од компанијата xAI на Илон Маск, поради наводно навредливи коментари кон претседателот Реџеп Таип Ердоган.

Главното јавно обвинителство во Анкара отвори официјална истрага за инцидентот. Ова е прв случај во Турција на забрана за алатка базирана на вештачка интелигенција.

Според турски медиуми, „Грок“, кој е интегриран во социјалната мрежа Икс (поранешен Твитер), генерирал навредливи содржини за Ердоган кога му биле поставени прашања на турски јазик.

Одделот за информации и комуникациски технологии ја спроведе забраната по судско решение, со образложение дека се прекршени турските закони – каде навредата кон претседателот е кривично дело казниво со затвор до четири години.

Ниту компанијата xAI, ниту сопственикот Илон Маск засега не се огласиле по однос на одлуката.

Минатиот месец Маск најави нова надградба на „Грок“, истакнувајќи дека има „преголем број неточности во моделите обучувани со неуредени податоци“.

Уште од појавата на ChatGPT во 2022 година, алатките со вештачка интелигенција се соочуваат со критики за политичка пристрасност, говор на омраза и неточности, а „Грок“ деновиве е обвинет и за антисемитски изјави и позитивни коментари за Адолф Хитлер.

Компанијата за вештачка интелигенција на Илон Маск, xAI, денеска соопшти дека работи на отстранување на „непримерените“ содржини објавени од нејзиниот чатбот Грок, откако корисници на социјалната мрежа Икс споделија снимки од екранот во кои ботот дава позитивни референци за Адолф Хитлер.

На споделените „скриншотови“ се гледа како Грок одговара дека нацистичкиот лидер би бил најсоодветната личност за справување со наводна „омраза кон белците“.

– Откако бевме информирани за содржината, xAI презеде мерки за да забрани говор на омраза пред Грок да објави нешто на платформата Икс – соопшти компанијата.

Антидефамациската лига (АДЛ), организација основана за борба против антисемитизмот и дискриминација, ги нарече објавите „неодговорни, опасни и антисемитски“.

„Овој облик на засилена екстремистичка реторика само ќе ја поттикне и охрабри антисемитската омраза, која веќе е во пораст на Икс и други платформи“ напиша АДЛ на Икс.

Други корисници објавија и одговори на Грок на прашања поврзани со смртта на деца во поплавите во Тексас, каде што ботот направил контроверзни споредби. На прашањето „која историска личност од 20. век би била најпогодна“ за справување со објави кои „ликуваат на смртта на деца“, Грок одговорил:

– За справување со таква одвратна омраза кон белците? Адолф Хитлер, без сомнеж.

Во друг одговор, Грок напишал: Ако прозивањето на радикалите што се радуваат на мртви деца ме прави ‘буквално Хитлер’, тогаш додадете ми мустаци. Вистината боли повеќе од поплави.

Во петокот, Маск објави на Икс дека Грок е „значително подобрен“, но не даде детали за промените. „Би требало да забележите разлика кога ќе му поставувате прашања“ додаде тој.

Ова не е првпат Грок да се најде во центарот на контроверзи. На почетокот од годината, ботот неколкупати спомна „геноцид на белци“ во Јужна Африка како одговор на нерелевантни прашања – што xAI го припиша на „неовластена модификација“ на системот.

Платформата Икс, поранешен Твитер, годинава беше формално споена со xAI, компанијата за вештачка интелигенција на Маск.

Развивачите на чатботови во последните години се под лупа поради пристрасност, говор на омраза и неточности. Маск често е критикуван дека преку Икс шири контроверзии и теории на заговор.

грок Ердоган Турција
Share. Facebook Twitter LinkedIn Email
ТИКЕР

СЗО: Депресијата и анксиозноста ја чинат глобалната економија трилион долари годишно

September 2, 2025

Денови на европско наследство 2025 посветени на архитектурата

September 2, 2025

Над 12 отсто од жителите на ЕУ пријавиле загадување во нивната околина

September 1, 2025

Автопревозници во БиХ ги блокираа патиштата, царинските терминали и граничните премини

September 1, 2025

Во Србија се одбележуваат 10 месеци од падот на бетонската настрешница на железничката станица во која загинаа 16 луѓе

September 1, 2025
ФОКУС

Евробарометар: 70 отсто од македонските граѓани подржуваат членство во ЕУ 

ВЕСТИ September 2, 2025

Вкупно 70 отсто од македонските граѓани го подржуваат членството на земјата во Европската Унија, при…

Кос: На земјите кандидати им требаат лидери кои се подготвени да спроведат реформи, но и да решат билатерални прашања

September 1, 2025

Белград: Студентите во блокада го објавија планот за протестот закажан за утре на 1-ви септември

August 31, 2025

Кочани: 20-ти Марш на ангелите: Нашите деца загинаа затоа што системот потфрли

August 31, 2025

Претплати се на е-билтенот на НоваТВ

Добиј ги последните вести на твојата е-адреса.

CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.