Адвокатска фирма од Чикаго покрена законска процедура пред судот во САД, потенцијално вредна неколку милиони долари, против авиокомпанијата „Малезија ерлајнс“ и компанијата „Боинг“ поради исчезнувањето на авионот МН 370, сметајќи дека компанијата е одговорна за трагедијата.
Како што оценува Франс прес, покренувањето на законската процедура прес судот во државата Илиноис би можело да означи почетокот на мултимилонска вредна правна битка.
Фирмата „Рибек Ло Чартеред“ соопшти дека упатила до судот тужбено барање за обезбедување документи кои се однесуваат на тоа дека конструкциите механички дефект или управување со авионот можеби довеле до пад на авионот.
„Од исклучителна важност за жртвите кои ги застапувавме е сите одговорни страни да бидат изведени пред лицето на правдата без исклучок“, се вели во соопштението објавено во Куала Лумпур.
Тужбата следи на барање на адвокатот Џануар Сирегар кој го изгубил синот во несреќата, а семејствата на жртвите бараат отштета од неколку милиони долари.
Малезискиот авион, кој со 239 патници и членови на екипажот на 8. март леташе од Куала Лумпур кон Пекинг, како соопштија малезиските власти се урна во јужните области на Индискиот океан.
Инцидент со друг малезиски авион
Авион на малезиската авиокомпанија „Малиндо Ер“ денеска морал да се врати на аеродромот од кој полетал откако му се запалил еден од моторите.
Во соопштението на компанијата, основана пред една година, се наведува дека авионот сепак безбедно слетал и дека во инцидентот никој не е повреден.
Авионот полетал од аеродромот „Субанг“ близу Куала Лумпур и требало да слета во градот
Теренган на источниот брег на Малезија.
Овој инцидент се случува само две недели во исчезнувањето на авионот на „Малезија Ерлајнс“.