Турскиот министер за финансии Мехмет Шимшек ги повика социјалните мрежи да отворат свои канцеларии во Турција, по обвинувањата од страна на премиерот Реџеп Тајип Ердоган дека „Твитер“ го избегнува плаќањето на даноци.
Тој истакна дека социјалните мрежи, кои имаат турски корисници, практично го избегнуваат даночното плаќање доколку не отворат локални претставништва.
– Социјалните мрежи треба да отворат канцеларии во земјата. Ако тие имаат добри намери, ќе отворат претставништва. Ако имаат лоши намери тогаш ќе размислуваме за алтернативи – додаде турскиот министер.
Моментно претставници на „Твитер“, вклучувајќи го и потпретседателот Колин Кроуел, се наоѓаат во Турција на преговори со Владата.